Nápols (en napolitano Napule, en italiano Napoli) ye la ciudat mas poblada d'o sud d'Italia, capital d'a rechión de Campania y d'a ciudat metropolitana de Nápols.
A suya población ye de 963.357 habitants (2009) en una superficie de 117 km², con una densidat de población de 8.207 hab/km².
Fa parte d'a Organización d'as Ciudaz d'o Patrimonio d'a Humanidat.
O napolitano ye la luenga de Nápols.
Etimolochía O nombre d'a ciudat ye d'orichen griego, nea polis u ciudat nueva, en alusión a l'orichen historico d'a ciudat.
Historia Fundación d'a ciudat Nápols ye una ciudat antiga, y la mayor parte d'os historiador de l'Antiga Grecia dicen que ye una ciudat fundada como parte d'a colonización griega d'a mar Mediterrania, y ye una fundación colonial d'a ciudat griega de Cumas, en a Campania (Magna Grecia), con aportacions de ciudadans griegos metropolitans d'Atenas y d'a ciudat de Calcis, en a isla d'Eubea, amás de grupos d'habitants d'as islas d'a redolada d'a nueva ciudat (u nea polis en griego).
Dentrada en a orbita romana Nápols, como atras ciudaz d'a redolada, fue conquiesta u fació liga con os samnitas mientres as Guerras Samnitas contra l'Antiga Roma, y en 328 aC os romanos li declaroron a guerra, y en 327 aC os neapolitans se rindioron, negociando una paz favorable con os romanos y convertindo-se nominalment en una ciudat federada (foederata civitas) con Roma.
Folclore Cocina A gastronomía napolitana poseye cinco platos: l'antipasto (un aperitivo antis d'a comida), o primo piatto (que gosa estar un plato de pasta), o secondo piatto (o plato prencipal, que gosa estar pescau, carne u pollo, entre d'atros), o postre y o dolce (masas dulzas acompanyadas por un limoncello.
A pizza A pizza ye un plato tipico d'a cocina napolitana con marca patentada, denominada Specialità Tradizionale Garantita (STG; en aragonés "especialidat tradicional garantizada"). En a suya forma basica, una pizza ye un pan plano, circular, cocinau en un forno de lenya bels 2-3 minutos y cubierto de diversos ingredients. Os principals ta preparar a pizza Margherita son: mozzarella, salsa de tomate, aceite d'oliva y alfabrega.
Molimentos Basilica de Santa Clara de Nápols, una ilesia con categoría de basilica d'o sieglo XIV en estilo gotico adedicada a santa Clara.
Localidaz achirmanadas 1990: 22px Buenos Aires (Archentina).
Vinclos externos
Categoría:Localidaz de Campania Categoría:Patrimonio d'a Humanidat en Italia