Radio Havanna ye un grupo de musica punk en alemán resident en a ciudat de Berlín y orichinario d'a localidat de Suhl (Turinchia).
Historia Ya en 1999 Anfy, Olli y Arni heban establito un grupo musical en a suya escuela con o nombre de "Beware". Con influencias de grupos punk como The Offspring, Green Day, NOFX, Social Distortion u Pennywise prencipioron a fer versions de cancions conoixitas y, poquet dimpués a escribir as suyas propias cancions. En 2002 s'unió a lo grupo Fichte como cantaire. Inspiratos por una canción de Rancid, Fichte, Arni, Olli y Anfy decidioron en 2002 decir a o suyo grupo "Radio Havanna".
Dimpués d'una primera maqueta producita por éls mesmos, "Hossings Bruder", en l'anyo 2005 amaneixe o suyo disco debut con o títol de "Aus der Traum?" a traviés d'a discografica Fatsound Records. Iste primer CD fue producito por Ronny Keil en Erfurt. Dimpués se facioron a-saber-los conciertos, incluyindo 2 grans chiras por toda Alemanya y Austria. Con o siguient disco, "Generation X" en 2007, o grupo contina con a suya trachectoria musical y Radio Havanna prencipia a convertir-se en una parti integral d'a escena alternativa d'a musica alemana. Iste CD tamién fue producito por Ronny Keil y publicato con Fatsound Records. Ixe mesmo anyo o grupo se treslada dende a suya localidat d'orichen Suhl, en Turinchia, enta Berlín. En l'anyo 2010 o grupo presentó o suyo tercer treballo "Lauter Zweifel" (amaneixió o día 28 de mayo de 2010). O disco se gravó en a primavera de 2010 en os estudios Daily Hero Studios de Berlin y fue gravato y producito por Florian Nowak.
Dimpués de 8 anyos de trachectoria o grupo ha feito mas de 250 conciertos y ha publicato 3 discos d'estudio. Radio Havanna han actuato como teloners d'importants grupos a ran internacional como Anti-Flag, Alexisonfire, Lagwagon, No Use For A Name, Sum 41, Good Charlotte, Set Your Goals, A Wilhelm Scream, Broadway Calls u The Briggs. Amás o grupo fa parti activament de prochectos relacionatos con temas politicos y socials, no nomás refirmando-los con as suyas parolas, sino tamién colaborando con organizacions como Oxfam.
Discografía Discos Anyo Disco2005Aus der Traum?2007Generation X2010Lauter Zweifel
Atros 2004: Punkchartbusters Vol. 5 (Replega de musica punk)
Vinclos externos www.radiohavanna.de Myspace oficial
Categoría:Grupos de musica punk Categoría:Grupos de musica en alemán Categoría:Grupos de musica d'Alemanya