Chaime I o Conqueridor (2 de febrero de 1208-27 de chulio de 1276) naixiu de Montpeller y muerto en Alchecira estió un rei d'Aragón. Yera fillo de Pero II d'Aragón y de María de Montpeller y descendient de l'emperador bizantín Isaac I Comneno.
En a Cronica de Sant Chuan d'a Penya comentan que ye descendient d'emperadors bizantins:
Cuan morió Pero II Chaime teneba nomás que 6 anyos y yera en o poder de qui venció a su pai, Simón de Montfort. Lo puyoron a lo trono a os 11 anyos y lo declaroron mayor d'edat.
A os 22 escomenzó la conquiesta de Mallorca o 31 d'aviento de 1229. En 1230 prenió dita isla y en 1232 fue reconoixiu por os moros de Menorca y tres anyos dimpués conquerió la isla d'Eivissa. Repartió las tierras a os caballers que l'heban aduyau en a conquiesta, que yeran, en gran parte, catalans de l'Ampurdán.
Dende 1232 dica 1245 conquerió lo Reino de Valencia.
Cuan remató la conquiesta achustó con Fernando III o Santo o tractau d'Almizra (1244) a on se fixoron as mugas d'as expansions d'as coronas d'Aragón y Castiella.
En a política exterior yera muit cheneroso. En o tractau de Corbeil cedió a Loís IX de Francia los territorios dillá d'os Pireneus.
Yera Chaime I un hombre royo, de uellos foscos, valient, cheneroso y cruel. Tenió tres mullers lechitimas en a suya vida.
Con 13 anyadas feitas se casó con Alionor de Castiella, filla d'Alifonso VIII.
En 1235 se caso con Violant d'Hongría, filla d'Andreu d'Hongría con a que tenió tres fillos y tres fillas.
Dimpués de morir Violant, se casó en secreto con Tresa Chil de Bidaurre, qui agafó la lepra y la quiso repudiar pero no lo consiguió. Mandó arrancar a luenga a Frai Berenguer de Castellbisbal, bispe de Chirona por charrar sobre lo suyo matrimonio con Tresa.
Estió un gran amant d'a luenga catalana y ordenó que s'escribise tot en luenga vulgar. Escribió lo Llibre dels feyts.
En Aragón, Catalunya y Valencia le succedió Pero III y, en Mallorca, lo suyo atro fillo Chaime.
Vinclos externos
Árbol chenealochico
Categoría:Muertos en Alchecira (Valencia) Categoría:Naixius de Montpeller Categoría:Reis d'Aragón Categoría:1208 (naixencias) Categoría:1276 (muertes)