Zeus (en griego antigo Ζεύς y latinizau como Zeús) ye, en a mitolochía griega, un dios de qui se diz que ye o "pai d'os dioses y os hombres",Hesiodo: Teogonía, 36-52. que gubernaba a os dioses d'o Mont Olimpo como un pai a una familia, de traza que mesmo qui no yeran os suyos fillos naturals se dirichiban a él como tal.Homero: Iliada i.503?533. Yera o Rei d'os Dioses que supervisaba l'universo.Que Zeus ye o rei d'o cielo ye un dito común a toz os hombres. (Pausanias ii.24.2.) Yera o dios d'o cielo y o trueno. Os suyos atributos incluyen o lampit, l'aliga, o toro y o caixico. Amás d'o suyo herencio indoeuropeu, o clasico Zeus "recolector de boiras" tamién obtenió bels rasgos iconograficos de culturas de l'antigo Orient Proximo, como o cetro. Zeus fue representau a sobén por os artistas griegos en dos poses: de piet, abanzando con un rayo devantau en a suya man dreita, y posau machestuosament.
Etimolochía O teonimo Zeus se remonta a un teonimo proto-indoeuropeu d'o que derivan bels cognatos en diferents luengas indoeuropeas: o chupiter d'a relichión romana, Tyr Zio d'a relichión escandinava y atros. Alavez, ye a continación griega d'un dios celeste sobirán d'a relichión proto-indoeuropea, exponent d'a primera función indoeuropea que describe Georges Dumézil.
Referencias
Vinclos externos
Categoría:Dioses de primera función indoeuropea Categoría:Dioses olimpicos Categoría:Dioses celestes Categoría:Dioses d'o trueno Categoría:Personaches d'a Iliada Categoría:Personaches d'a Odisea