250px|thumb|right|Pretadas de Moher (Irlanda). 250px|thumb|right|Esquema de formación d'as paretadas costeras. Texto en francés. Una paretada ye un accident cheografico con una pendient cuasi vertical que se forma por a erosión. Una paretada puet trobar-se en a costa, pero tamién pueden haber-ie en as montanyas (por eixemplo os cinglos), asinas como en as fallas y en as riberas d'os ríos.
En o caso d'as paretadas costeras son producidas por as olas, fendo que istas s'esboldreguen y retaculen, a la vegada que a mar abanza y creya una plataforma d'abrasión en a zona a on dinantes plegaban as paretadas. Istas paretadas se pueden decir tamién "cinglos" si la suya part superior corresponde a una superficie con plans u replans, no necesariament horizontals, pero paralelos a la estratificación.
As olas trencan contra a base d'as paretadas producindo una erosión contina. Cuan l'augua d'a ola entra en as crepas comprime l'aire que i hai, y cuan l'augua se'n retira l'aire comprimiu s'expande y va esgallando y crebando a roca. L'augua va foradando la roca, va creyando covachas, esplugas dica que a masa rocosa que i hai dencima d'istos espacios vueitos de roca s'esboldrega, con esbalzadas y eslices. Si a roca d'as paretadas ye masiva y compacta iste proceso de compresión y expansión de l'aire ye menos efectivo, pero as olas d'a mar pueden igualment ir esgarrapando a base con os materials erosionaus que transporta l'augua.
Os trozos de roca que cayen a l'augua pueden mover-se por a fuerza d'a mar, se desgastan por l'acción d'as olas y s'esminglanan, quedando redondeyaus, y achiquius. Cuan son prou chicos as corrients de deriva litoral se'n pueden levar estos materials sueltos a las plachas. Entre os livels de marea alta y marea baixa, a piet d'as penyas se forma una plana un poquet abocada enta a mar dita plataforma d'abrasión, y por debaixo d'o livel de marea baixa se forma una faixa d'acumulación.
Denominacions 250px|thumb|right|As paretadas sobre a mar mes altas d'Europa son en Santo André de Teixido (Galicia). En as parlas altoaragonesas no i hai una denominación tradicional especifica pa estas formacions litorals porque a on se charran no i hai costa. Pa despenyaders por un regular mes grans que los cinglos y las ripas i hai denominacions como salto u penya. En textos aragoneses medievals por un regular trobamos a denominación de penyas en pluralia tantum. A vegadas tamién trobamos salto en singular, referindo-se a puntos mes concretos.
En "Historias contra los paganos" d'Orosio, se fa mención d'as costas d'una part d'a mar Roya como penyas:
En a "Cronica de los Conquiridors" leyemos tanto penya como salto, encara que salto ye un termin que i apareix pa traducir atros conceptos en atras parz d'o libro:
Referencias
Bibliografía Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives, 1990. Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda, 1993.
Categoría:Formas erosivas costeras Categoría:Laderas