La Còla (en francés La Colle, en francés antigo L'Acaulle) ye un d'os once barrios, situato en a parti ueste d'o prencipau de Mónegue.
O barrio ye situato en l'antiga comuna de La Condamina, fendo tradicionalment parti d'o barrio de Moneghetti. A suya superficie ye de 175.811 m² y se divide en quince bloques administrativos.
O suyo numero ye o 07, seguntes l'administración monegasca.
Demografía Iste barrio ye o segundo mas chicot de Mónegue en termins de población (Ciudat de Mónegue ye o menor), y ye o tercero mas chicot en superficie. La Còla tien una población de 2.829 habitants y una superficie de 0.11 km². Censo 2008 .
Mónegue tien diez escuelas publicas, cuatre escuelas privatas, y una universidat. Una d'as escuelas privatas y una d'as publicas se troban localizatas en iste barrio Escuelas en Mónegue
Localización La Còla se troba en a parti nord-ueste d'o país, chusto a o norte de Fòntvièlha. Cheografía de Mónegue La Còla se considera por un regular parti de Moneghetti, encara que administrativament ye independient. Muga con as localidaz francesas de Bèusoleu y Caup d'Alh, igual que os barrios munegascos de Las Reveras, Fòntvièlha y Moneghetti.
Turismo La Còla ye mas que mas una aria industrial, encara que bi ha cuantos chicoz hotels astí, que aduyan a cubrir l'alta requesta de plazas hoteleras de Mónegue.
Caracteristicas La Còla ye, dimpués de Fòntvièlha, una d'as arias mas industrials de Mónegue. Walks through Monaco Por eixemplo, astí bi ha una fabrica respetuosa con o meyo ambient d'a empresa Venturi Automobiles y a suya subsidiaria Voxan. Venturi aujourd'hui A suya localización en o prencipau fa que sía un puesto sobrebueno ta o trafico de mercaderías ya que se troba en un d'os cabos d'a ciudat y, por ixo, l'actividat industrial no afecta a o important sector d'o turismo en Mónegue.
Manimenos, encara que La Còla ye una zona mas que mas industrial, tamién bi ha viviendas, prencipalment en a a muga con o barrio de Las Reveras. Gubierno de Mónegue Debito a la localización de La Còla, mas luent d'o centro d'a ciudat, os pres d'os inmuebles son por un regular mas baixos. Barrios de Mónegue Os pres son entre un 13% y un 18% mas baixos que en os barrios de Fòntvièlha u La Condamina. www.montecarlo-realestate.com
Se i troba o Hespital Princesa Grace, o solo hespital de Mónegue. Hespital Princesa Grace
Referencias
Categoría:Barrios de Mónegue