L'apelliu López ye un apelliu patronimico propio d'as luengas iberorromanicas occidentals, común en Aragón y en toda Espanya.
Fa parte d'a familia d'os apellius patronimicos iberorromanicos que rematan con a desinencia -ez, muitos d'os cuals se contan d'entre os que tienen mas portadors en Espanya.
Como apelliu patronimico iberorromanico, o suyo significau ye, literalment, "fillo de Lope/Lop". Lope u Lop ye un antroponimo masculín, evolución en os romances derivaus de o latín hispanico d'o nombre propio romano <Lupus, que yera mas frecuent en as etapas medievals y modernas de as ditas romances que en l'actualidat.
Oríchens
Probablement, tiene numerosas oríchens cheograficas en tot l'amplo d'a peninsula Iberica, en aquels territorios a on que una luenga iberorromanica (castellano, gallego, portugués, aragonés u asturleyonés) i haiga estau a luenga predominant.
As oríchens tan diferents han dau cuantiosos linaches, no necesariament emparentaus d'entre si, que habrían amaneixiu aleatoriament a lo largo d'un periodo cronolochico muit amplo, que s'extendillaría d'entre a Edat Meya y a Edat Moderna, en o reino de Portugal, os reinos d'a Corona de Castiella y os territorios aragoneso- y castellanoparlants de a Corona d'Aragón.
O suyo apelliu homologo en catalán ye Llopis, y en os territorios de luenga portuguesa coexiste con Lopes, que ye mas frecuent.
Frecuencia
Estatisticament, López yera o cinqueno apelliu mas común d'Espanya (dimpués de Fernández y d'antes que Martínez) en l'anyo 2011. «Frecuencias de Nombres y Apellidos» en a pachina de l'Instituto Nacional de Estadística; consultada o 24 de mayo de 2012. En Aragón y como puesto de residencia, ye o segundo apelliu mas frecuent en a provincia de Uesca, o cuatreno en a provincia de Zaragoza y o seiseno en a provincia de Teruel.
Tamién ye o primer apelliu mas frecuent d'entre os naixius d'a provincia de Uesca, o cuatreno d'os naixius de Zaragoza y o cinqueno d'os naixius en Teruel.
Se veiga tamién Apelliu García. Apelliu Fernández. Apelliu Pérez. Apelliu Hernández. Apelliu González.
Referencias
Categoría:Apellius frecuents en toda Espanya Categoría:Apellius frecuents en Aragón Categoría:Apellius aragoneses Categoría:Apellius castellanos Categoría:Apellius navarros Categoría:Apellius asturianos Categoría:Apellius gallegos Categoría:Apellius leyoneses Categoría:Apellius bascos Categoría:Apellius patronimicos iberorromanicos