A seu d'a Transfiguración d'o Sinyor de Uesca, mas conoixita como a seu de Santa María de Uesca ye una seu catolica situata en a ciudat de Uesca, Aragon. Ye seu bispal d'a diocesi de Uesca.
Historia thumb|left|200px|Detalle d'a portalada. Construita en estilo gotico, a suya construcción prencipió en zaguerías d'o sieglo XIII y remató en primerías d'o sieglo XVI.
O prochecto d'edificación d'a seu de Uesca prencipia en epoca de Chaime I d'Aragón (1213-1276). Ye una construcción una mica tardana, en comparanza con atras ilesias d'a rechión que data d'a epoca romanica. Isto se debe a que en Uesca s'oficiaba o culto catolico en a mesquita Alchama dica o sieglo XIII. Poco dimpués de que fuese consagrato o nuevo bispe de Uesca, Chaime Sarroca, sobrín de Chaime I, o rei estimó que no yera decent celebrar o culto cristiano en una mesquita musulmana, y en 1273, proposa a construcción d'una nueva seu. Manimenos, a-saber-los problemas facioron que a construcción se retrasase dica 1294. O plan orichinal propuesto yera un edificio de tres naus, con cinco capiellas radials arredol d'o coro y un transepto.
Entre 1294 y 1309 se construye o coro con cinco absides. A la vegada, s'edifica a paret norte d'o transepto con a suya portalada y l'edificio annexo, que se fa servir como sacristía y archivo. Dimpués se construyiran poquet a poquet as capiellas laterals con donacions de fiels particulars.
Cheodesia Bi ha un vértiz cheodesico dencima d'a torre d'a Seu de Uesca a una altaria de 525 metros dende o livel d'a mar Fuella d'o vértiz cheodesico.
Se veiga tamién Diocesi de Uesca.
Vinclos externos Dentrata d'a Seu de Santa María de Uesca en a Gran Enciclopedia Aragonesa (GEA).
Referencias
Uesca Categoría:Biens d'Intrés Cultural d'a Plana de Uesca Categoría:Ilesias d'a provincia de Uesca Categoría:Ilesias d'a Plana de Uesca Categoría:Ilesias d'Aragón adedicadas a santa María * Categoría:Ilesias parroquials d'a diocesi de Uesca Categoría:Ilesias goticas d'Aragón Categoría:Ilesias de Uesca Categoría:Vertices cheodesicos d'Aragón