O Palacio de l'Alfranca u Casa Palafox ye un palacio construyito en zaguerías d'o sieglo XVIII que se troba situato en o municipio de Pastriz (D.C. Zaragoza, Aragón) en a Reserva Natural d'o galacho de l'Alfranca de Pastriz. Estió residencia de verano d'os marqueses d'Ayerbe.
En iste palacio residiba o Cheneral Palafox en prencipiar a Guerra d'o Francés, cuan os zaragozanos vinioron a buscar-le ta meter-lo a frent d'a esfensa d'a ciudat.
O conchunto monumental ye formato por dos edificios, o palacio y as caballerizas que datan d'o sieglo XVIII. O palacio tien tres pisos y as caballerizas en tien dos.
Actualment ye a seu d'o Centro Internacional de l'Augua y o Meyo Ambient d'o Gubierno d'Aragón.
Categoría:Molimentos d'a provincia de Zaragoza Alfranca Alfranca Categoría:Reserva Natural d'os Sotos y Galachos d'Ebro