Lo sabuco VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals, Edicions Val d'Onsera, Zaragoza 2004. .Con as variants sambuco, saúco, samuco, sabugo y samugo u sabuqueroCon as variants sabuquer, sauquer, sauquero, samuquer, samuquero, sabuquet y xabuquero. Tamién en femenín sabuquera, sauquera y samuquera ( (Linné, 1753)) ye una especie árbol de lo chenero Sambucus que present en Europa, norte d'Africa y ueste d'Asia.

Ye caducifolio y los suyos fruitos son negros. Tamién se conoixe como árbol de chudas.

Fitonimia En latín bi heba dos formas sambucum y sabucumGerhard Rohlfs Diferenciación léxica de las lenguas románicas Consejo superior de investigaciones cientificas, 1960 - 192 pachinas , que explican las dos series de fitonimos que trobamos en l'aragonés ("samuco" y "sabuco"), y en las luengas romances en cheneral. sambucu pervive en lo italiano estándard sambuco y en part de l'occitán sambuc. samucu pervive en lo galaicoportugués y l'asturleyonés sabugo, en lo castellano saúco con las suyas variants, y en lo catalán y part de l'occitán saüc.

Lo fitonimo "sabuco" ye muito común en Aragón, tanto en l'Alto Aragón y Cinco Villas (Val d'Ansó, Val d'Echo, Biel, Luesia, Lanuza, Sarrablo, Arguis, Panzano, Sobrepuerto, Botaya, Mondot, Alquezra, Torres, Isabana), como en arias a on l'aragonés ha desapareixiu fa sieglos (Tarazona y Moncayo, Calamocha, comarcas churras, toponimia de la Sierra d'Albarracín y como aragonesismo en lo sud-este d'Espanya). Tamién ye como se deciba en romanz navarro y como se diz actualment en castellano de Navarra. Bi ha atros toponimos que se fan a partir d'esta radiz y con sufixos -ero y -era como sabuquero u sabuquera, que pueden coexistir con l'anterior en beluns d'ixos puestos.

Lo fitonimo "samuco" ye menos común pero ye la forma que cabe esperar por la lei fonetica -MB- > -m- propia de la fonetica aragonesa. Esta forma con -m- ye propia de l'aragonés centro-oriental (Val de Bielsa, Val de Tella) y Val de Chistau.. En beluns d'ixos puestos puede coexistir la forma samuco con formas sufixadas samuquero y samuquera. En chistabín Brian Mott rechistra tanto samuco como samugo y en Senyés sabucoBrian Mott El habla de Gistaín, Diputación Provincial de Huesca (“Estudios Altoaragoneses”, 29). 1989. . En Baixo Penyas coexiste "samuco" y "samuquero" coexisten con "sabuco" y "sabuquero"Blas Gabarda, F. y Romanos Hernando, F.; El aragonés de Baixo Peñas. 2005, Gara d'Edizions.

Por l'uso medicinal de la flor, (que se reculliba la nueit de Sant Chuan), bi ha tendencia en aragonés a dicir "sabuco" u "samuco" a la flor y las formas sufixadas "sabuquero", "sabuquera", "samuquero", "samuquera" a l'árbolChesús de Mostolay El aragonés en el Somontano de Barbastro Aneto publicaciones 2007>Chabier Tomás Arias: El aragonés del Biello Sobrarbe. Instituto de Estudios Altoaragoneses (1999), encara que totas las formas pueden aplicar-se referindo-se a l'árbol en belunas de las localidaz a on se manifiesta esta tendencia.

Notas

Referencias

Vinclos externos

Categoría:Sambucus Categoría:Árbols presents en Aragón Categoría:Taxons nombraus por Carl Linnaeus Categoría:Flora d'Europa Categoría:Flora d'Africa Categoría:Flora d'Asia Categoría:Flora d'os Pireneus