A Republica de Kugelmugel (oficialment en alemán Republik Kugelmugel) ye una micronación situata en Viena, Austria.
Situata en o Prater, o famoso parque de Viena, a Republica de Kugelmugel declaró a suya independencia en 1984, dimpués de bels pleitos entre o artista Edwin Lipburger y as autoridaz austriacas sobre os permisos de construcción d'a suya casa, con forma esferica, que fue construyita en o estato de Baixa Austria y tresladata dimpués por as autoridaz enta o parque. A casa ye zarrata adintro d'una cleta y ye o unico edificio d'a Republica. A suya adreza postal ye o "2 de Antifaschismusplatz" (2 d'a Plaza de l'Antifaixismo, fendo referencia o 2 a o districto vienés de Leopoldstadt), y o suyo fundador ye o president d'un estato con bels cientos de ciudadans no residents. Lipburger refusó bosar impuestos a o gubierno austriaco y prencipió a imprentar os suyos propios sellos, feito por o que fue condenato a la garchola. Nomás a indulchencia d'o president d'Austria le salvó d'estar engarcholato.
thumb|left|250px|Imachen d'a Republica
Dimpués d'a condena, oficials estatals austriacos tresladoron a estructura enta o parque Prater y la encletoron.
Kugelmugel s'ha convertito en una atracción turistica en Viena debito a las suyas historia y arquitectura unicas. A parola "Kugel" significa "esfera" en alemán; a parola "Mugel" ye una expresión austriaca que significa "muela".dict.cc: Mugel
Referencias
Vinclos externos Pachina oficial d'a Republica Pachina de Croy Nielsen sobre Kugelmugel
Categoría:Micronacions Categoría:Austria