Tresa Chil de Bidaurre naixida d'un puesto desconoixido d'o Reino de Navarra y en calendata desconoxida y muerta en Valencia, Reino de Valencia o 15 de chulio de 1285, estió una dama noble filla d'o noble navarro Chuan de Bidaurre que se casó en secreto con Chaime I d'Aragón, con qui tenió dos fillos: Chaime d'Exerica y Pero d'Ayerbe.
En l'anyo 1255 Chaime I li atorgó lo Castiello d'Exerica, que con atras adquisicions posteriors constituiría en lo futuro la Baronía d'Exerica.
En l'anyo 1265 contrayó la lepra y Chaime la deixó pa prebar de tornar casar-se. Tresa recurrió a Roma, y no s'admitió l'anulación de lo casamiento, Teresa Gil de Vidaurre en la Gran Enciclopedia Aragonesa, consultada o 22 d'agosto de 2012. que fue reconoixiu por lo papa Climent IV. Tresa se recluyó en lo convento de la Zaidía de Valencia, fundau por ella mesma y a on fue sozterrada.
Los fillos de Chaime I y Tresa Chil de Bidaurre fuoron lechitimaus por lo rei, y dica se lis reconoixió dreitos dinasticos en caso de morir los hereus fillos de matrimonios anteriors. Chaime heredó la Baronía d'Exerica y Pero la Baronía d'Ayerbe.
Estió a impulsora d'a construcción y fundación d'o Monasterio d'a Zaidía an murió y fue sepultada, tamién reposaban allí os suyos fillos Chaime d'Exerica y Pero d'Ayerbe chunto as suyas esposas, Aldonza de Cervera y Elfa Álvarez de Azagra. Dimpués d'a Gran riada de Valencia de 1957 lo monesterio quedó muito danyau y la congregación decidió la suya venda y treslado difuera de Valencia enta lo municipio de Benaguacir a on en l'actualidat las suyas restas son en monasterio de Santa María de Gratia Dei.
Referencias
Categoría:Consorts de monarcas d'Aragón Categoría:Linache d'os Bidaurre Categoría:1285 (muertes) Categoría:Muertos en Valencia