Iste articlo tracta sobre as forquetas que se les mete a las plantas enfiladeras ta que i puyen. Ta o cubierto de mesa se veiga Forqueta. thumb|right|200px|Una branqueta de chudiguera s'enfila por a forqueta que se l'ha meso ta refirmar-la. En agricultura, una forqueta ye o palo que se les mete a cualques especies de plantas cautivadas no-lenyosas ta dar-les un soporte estructural por a on que creixer (platas enfiladeras) u ta a on que ligar-las ta mantener-les as partes aerias como mas luent d'o suelo y d'a humedat posible.
Importancia
As forquetas se fan servir tanto con plantas que son de forma natural enfiladeras, como a chudiguera y a bisaltera, como con belatras que son de regular rastreras, por eixemplo a tomatera. En as primeras, a función evident ye de dar-les soporte estructural por a on que creixer y privar asinas que pillen y s'enreliguen con as atras plantas d'o huerto y as faigan servir a ellas como refirme, o que les perchudicaría en o creiximiento. En as segundas, a función ye privar que o fruito pille calamón en estar en contacto con o suelo y con a humedat, y que pueda estar rosigau por os animalichons terrestres, como chicoz radedors y gasteropodos (limacos y caragols).
Instalación
As plantas que precisan forquetas suelen sembrar-se u plantar-se en un numero par de cavallons en o huerto, y a'l costau es uns d'os atros. Isto ye important pus, ta millorar a estabilidat estructural y con a finalidat de no haber de punchar as forquetas guaire fondas en a tierra (o que podría malmeter as venas d'a planta a la que acompanyan en o momento d'instalar-las), as forquetas se fienden en tierra una micarrona a'l biés, inclinadas en mirando ta o cavallón contiguo, y se ligan de dos en dos por o extremo d'alto. 150px|thumb|right|Bastida de forquetas ta unas chudigueras. Unatra forma posible de meter-las ye de tot verticals, pero unidas con traveseras, a modo de latas, que se liga con cordetas u cordeletc de tela (igual como se liga dimpués as matas contra la forqueta), de forma que constituigan un entarabidau u bastida de dos a dos.
Referencias
Se veiga tamién
Forca. Percullo. Lata. Estaca. Trallo.
Categoría:Agricultura Categoría:Palos