O bárbol flaire (, Asso, 1801) ye una especie de peix d'augua dolza de la clase Actinopterygii, orden Perciformes y familia Blenniidae, la sola especie d'augua dolza d'esta familia. Presenta una distribución circummediterrania y fue descrito cientificament por primera vegada por lo naturalista aragonés Ignacio Jordán Claudio de Asso y del Río.
Zoonimia No se conoix lo nombre que tenió en aragonés cuan se charraba en zonas de la depresión d'Ebro a on encara se troba u cuan se distribuiba como abundant por endreituras a on encara se charra aragonés. En catalán de Nonasp li dicen burret, denominación que en catalán s'aplica tamién a los blenidos d'augua salada.
Distribución cheografica Presenta una distribución tipicament circummediterrania, trobando-se en ríos y zonas humidas de tierras que rodeyan la Mar Mediterrania: val d'Ebro, Catalunya, Occitania, Suiza, Italia, Croacia, Montenegro, Albania, Grecia, Turquía, Siria, Chordania, Liban, Israel, Alcheria y Marruecos. Tamién se troba en Portugal.
En Aragón se puet u podeba trobar en los ríos Ebro (incluitos los entibos de Mequinenza y Ribarroya), Matarranya, Guadalop, Cinca, y los suyos afluents Guatizalema, Alcanadre, Flumen, Susía, Isuala y Vero. Tamién se troba en la Canal Imperial d'Aragón y la cequia de Pina d'Ebro.Manuel Alcántara Las almejas de agua dulce en Aragón: Margaritifera auricularia y otros bivalvos De la edición, Consejo de Protección de la Naturaleza de Aragón
Conservación Encara que globalment no ye en periglo de desaparición, en la val d'Ebro ye cada vegada mes escaso, trobando-se en pocos puestos.
Las accions humanas que amenazan la suya existencia son la destrucción de l'habitat, la extracción de gravas, la extracción d'augua, la canalización de los ríos, las entibas y la contaminación de los ríos que produce eutrofizaciónIUCN
La conservación de Salaria fluviatilis influye en la conservación de Margaritifera auricularia, bivalvo d'augua dolza que presenta una etapa de lo suyo ciclo biolochico como parasito en las branquias d'este peix.
Referencias
Vinclos externos
Categoría:Salaria Categoría:Peixes d'Aragón Categoría:Peixes d'augua dolza Categoría:Taxons nombraus por Ignacio Jordán Claudio de Asso y del Río