A mar Balear ye una mar que fa parte d'a mar Mediterrania y se troba en a Cuenca Occidental d'a Mar Mediterrania entre as islas Balears y a peninsula iberica. En a mar Balear desauguan bellos ríos d'importancia, destacando-ne os ríos Ebro (930 km), Xúcar (497 km), Guadalaviar (280 km), Ter (208 km), Llobregat (170 km) y Millars (156 km). Tamién banyan as suyas auguas destacatas ciudaz, en destacando-ne Xàbia y Denya (provincia d'Alicant); Gandia, Cullera, Valencia y Murviedro (provincia de Valencia); Castellón de la Plana, Orpesa, Peniscola, Benicarló y Vinaroz (provincia de Castellón); Tarragona (provincia de Tarragona); Vilanova i la Geltrú, Sitges, Castelldefels, Barcelona y Mataró (provincia de Barcelona); Blanes y Palamós (provincia de Chirona); y Palma de Mallorcay Eivissa (Balears).
A presencia d'ista mar ye importantisma en a historia d'a Corona d'Aragón, en estar en realidat una mar interior d'a Corona que comunicaba y a la vegata deseparaba o reino de Valencia, o reino de Mallorca y o condau de Barcelona y a resta de condaus catalans.
Cal destacar que en istas zagueras anyadas bellos cartografos y cheografos charran d'a mar balear no en o sentito en que la define a Organización Hidrografica Internacional, sino que en referindo-se as auguas d'arredol d'as islas Balears, emplegando o nombre de mar Catalán ta a mar que desepara as Balears de Catalunya y o nombre de mar de Cerdenya ta as auguas que deseparan as Balears de Cerdenya.
Balear