A Herrengasse (en aragonés: "Carrerón d'os Sinyors" u "Carrerón d'os Caballers") ye una carrera d'a ciudat de Viena, situata en o primer districto u Innere Stadt.
Historia A carrera existiba ya en tiempos d'os romanos fendo parti d'o rete de carreteras d'os limes de l'imperio. A primera mención escrita data de l'anyo 1216. A sección d'a carrera que s'estendilla entre as plazas d'o Freyung y Lobkowitzplatz yera conoixita mientres a Edat Meya como a Hochstraße (Carrera Alta).
Dimpués que s'establise a ciudat de Viena como capital imperial, a nobleza (conoixita en alemán como Herren u Sinyors) prencipió a emigrar a la ciudat ta situar-se amán d'o Palacio Imperial de Hofburg, a residencia d'os Habsburgo. Dimpués que o estato d'a Baixa Austria construyese a suya asemblea en o Palacio de Niederösterreich en 1513, a carrera pasó a decir-se Herrengasse.
Edificios prencipals Palacio Herberstein (construyito en 1897, Herrengasse 1–3 en o puesto d'o Palacio Dietrichstein con o famoso Café Griensteidl) Palacio Brassican-Wilczek (ehemals Palais Lembruch, 1737, Herrengasse 5) Palacio de Modena (hue seu d'o Ministerio d'Afers Interiors, 1811, Herrengasse 7) Palacio Mollard-Clary (1689, Herrengasse 9) Palacio de Niederösterreich (d'antis mas Niederösterreichisches Landhaus, 1839–1848, Herrengasse 11) Palacio Ferstel (d'antis mas seu d'o Banco Austrohongaro, 1856–1860, Herrengasse 14, Freyung 2), en a planta baixa se troba o Café Central, en un pasache baixo iste edificio ye a fuent Donaunixenbrunnen. Palacio Batthyány (incluyindo partis de l'antigo Palacio Orsini-Rosenberg, 1716, Herrengasse 19) Palais Trauttmansdorff (1834–1838, Herrengasse 21) Palacio de Porcia (1546, Herrengasse 23) Hochhaus Herrengasse (Herrengasse 6–8, Fahnengasse 2 y Wallnerstraße 5–7, o primer grataciels de Viena, construyito en 1913 en o puesto de l'antigo Palais Liechtenstein).
Bi ha amás una Gara de Herrengasse en a linia 3 d'o Metro de Viena. En o numero 10 d'a Herrengasse 10 se trobaba dende 1918 dica 2006 o Café Herrenhof.
Bibliografía Rupert Feuchtmüller: Die Herrengasse, Wien (Zsolnay) 1982
Weblinks
rodaun.info – Herrengasse (PDF)
Categoría:Carreras de Viena