O Naschmarkt (en dialecto vienés Naschmoakd Lilliput Wienerisch. Sussane Finsterl-Lindlar. Langenscheidt. 2011. ) ye o mercato mas popular d'a ciudat de Viena en Austria. Situato en a Wienzeile chunto a o río Viena tien una longaria d'alto u baixo 1,5 kilometros.
O Naschmarkt ha existito dende o sieglo XVI, cuan se vendeban astí mas que mas botellas de leit. Dende l'anyo 1793, todas as fruitas y vechetals que plegaban ta Viena en carro s'heban de vender en o Naschmarkt. Por o contrario, os productos que plegaban por o Danubio se vendeban en atros puestos d'a ciudat. Hue lo día, se pueden mercar en él fruita y vechetals frescos de tot o mundo, especias exoticas, queso, pan, Kaisersemmeln, tartas, carnes y mariscos. Tamién bi ha a-saber-los chicoz restaurants que ofreixen, por eixemplo, sushi, kebab, peix, marisco y comida tradicional de Viena como o Kaiserschmarrn u as Palatschinken. Tamién bi ha botigas que venden ropa y complementos. Toz os sabados dende 1977 o mercato se estendilla dillá d'a Wienzeile sobre un aria adchacent, a on se troba o Flohmarkt.
L'atmosfera unica d'o Naschmarkt ye famosa difuera d'as mugas de Viena, y un gran numero de turistas lo visita cada anyo. thumb|O Naschmarkt en 1900|left|300px
Referencias
Vinclos externos Naschmarkt de Vienna. Veyer un vidio sobre o mercato mas gran de Viena. Magazine/web sobre o "Wiener Naschmarkt" Iformation d'o mercato con fotos Tour panoramico virtual d'o Naschmarkt
Categoría:Viena Categoría:Mercaus d'Austria