Richard Samuel Attenborough, naixiu de Cambridge (Cambridgeshire, Anglaterra) lo 29 d'agosto de 1923 y muerto lo 24 d'agosto de 2014 en Northwood (Gran Londres, Reino Uniu), estió un destacau actor, director cinematografico y productor cinematografico britanico, activo en o cine britanico y dimpués en o cine estausunidense dende primerías d'os anyos 1940. Yera chirmán d'o naturalista David Attenborough.
En a suya carrera cinematografica como actor, se puet destacar a suya participación en bellas cintas como Dancing with Crime (1947, John Paddy Carstairs), Brighton Rock (1947, John Boulting), The Great Escape (1963, John Sturges), 10 Rillington Place (1971, Richard Fleischer), u Miracle on 34th Street (1994, Les Mayfield).
En a suya faceta de director, cal mencionar bellas cintas como Young Winston (1972, con Simon Ward, Robert Shaw, Anne Bancroft, Anthony Hopkins y John Mills), Gandhi (1982, con Ben Kingsley, Candice Bergen, Edward Fox y John Gielgud), Cry Freedom (1987, con Denzel Washington, Kevin Kline, Penelope Wilton y Kevin McNally), Chaplin (1992, con Robert Downey, Jr., Geraldine Chaplin, Moira Kelly, Dan Aykroyd, Penelope Ann Miller, Kevin Kline, Anthony Hopkins y Diane Lane) u In Love and War (1996, con Mackenzie Astin, Chris O'Donnell, Sandra Bullock y Margot Steinberg).
Se veiga tamién Cintas interpretadas por Richard Attenborough.
Vinclos externos
Richard Attenborough en Internet Movie Database.
Categoría:Actors d'Anglaterra Categoría:Directors cinematograficos d'Anglaterra Categoría:Muertos en Northwood (Londres) Categoría:Naixius de Cambridge Categoría:Productors cinematograficos d'Anglaterra Categoría:1923 (naixencias) Categoría:2014 (muertes)