250px|right |thumb|Logo olimpico d'o voleibol. right|thumb|250px|Un partiu de voleibol entre as seleccions de Serbia y Brasil. O voleibol u volei (de l'anglés "volleyball") ye un esporte d'equipo que se chuga en un campo a on que bi ha un rete colocau transversalment que desepara los campos d'os dos equipos partecipants. Cal fer pasar a pilota per dencima d'o rete enta lo campo contrario, fendo servir mas que mas as mans, encara que se puet fer, seguntes as reglas d'o chuego, con cualsiquier parte d'o cuerpo d'o chugador. Cal parar cuenta que nomás se permite que tocar a pilota, pero no se puet pillar-la, ni retener-la ni mesmo d'acompanyar-la con o cuerpo. O punto se consigue cuan a pilota no nomás trescruza o rete enta o campo contrario, sino que amás toca en o suelo d'o campo contrario, ye decir, que l'equipo contrario no ha puesto tornar a pilota; tampoco si la tocan mas de tres chugadors d'o mesmo equipo de contino u si la toca dos vegadas o mesmo chugador. O partiu se chuga por sets y cal ganar 3 d'os 5 sets que tien cada partiu.
Ye un esporte naixiu d'Estaus Unius en 1895, estando o suyo inventor William George Morgan, un profesor d'educación fisica que prebaba de trobar un esporte d'equipo ta chugar en interiors. Actualment, ye regulau por a Federación Internacional de Voleibol, un organismo establiu en 1947. Dende 1949 (masculins) y 1952 (femenins) se celebran os Campionatos Mundials de Voleibol, convertindo-se en un esporte olimpico dende 1964 anque d'antis mas estió esporte d'amostranza en os Chuegos Olimpicos de París 1924. A suya variant, o voley placha ye present en os Chuegos Olimpicos dende los Chuegos Olimpicos d'Atlanta 1996.
Referencias
Se veiga tamién Campionatos Mundials de Voleibol. Federación Internacional de Voleibol. Voleibol placha.
Vinclos externos
Federación Aragonesa de Voleibol. Federación Espanyola de Voleibol. Federación Internacional de Voleibol.