O velodromo Jacques-Anquetil (en francés Vélodrome Jacques-Anquetil) conoixito como la Cipale y antis de 1987 conoixito tamién como velodromo municipal de Vincennes, ye un velodromo situato en París (Francia), construito en l'anyo 1894 ta la practica d'o ciclismo. Dimpués fue utilizato como estadio prencipal ta os Chuegos Olimpicos de París 1900, fendo-se as prebas de ciclismo, cricket, rugby, fútbol y chimnasia. Tamién fue utilizato ta las prebas de ciclismo en pista y fútbol en os Chuegos de París 1924.
O velodromo estaba configurato inicialment por una pista de cimento de 500 metros de cuerda a on es feban as prebas de ciclismo, que rodeyaba una zona de césped acondicionata ta la practica d'atros esportes. Teneba d'os tribunas cubiertas, una gran en a recta prencipal y unatra en o frent, construitas con fierro con as tecnicas empleyatas en ixa epoca similars a las emplegatas en a construcción d'a Torre Eiffel.
Dende l'anyo 1968 dica 1974 estió o puesto a on se celebraba l'arribata d'a zaguera etapa d'o Tour de Francia y actualment se i fan partius de fútbol, rugby y competicions de ciclismo. Recibe o suyo nombre actual en a honor d'o ciclista francés Jacques Anquetil. 500px|thumb|center|Vélodrome Jacques-Anquetil
Cine Escenas d'as cintas Monsieur Klein de 1976, Le Vélo de Ghislain Lambert de 2001 y Elle s'appelait Sarah de 2010 tienen o velodromo como escenario.
Categoría:Instalacions esportivas d'os Chuegos Olimpicos de París 1900 Categoría:Instalacions esportivas d'os Chuegos Olimpicos de París 1924 Vincennes Vincennes Categoría:Esporte en París