O Palacio Imperial de Hofburg ye o castiello mas gran d'a ciudat de Viena. Estió a residencia d'a mayor parti d'a reyaleza d'a historia austriaca, mas que mas d'a dinastía d'os Habsburgo (mientres mas de 600 anyos), y d'os emperadors d'Austria y d'Austria-Hongría. Ye actualment a residencia d'o president d'a Republica austriaca
O Hofburg ye conoixito tamién como residencia d'hibierno, ya que o puesto a on pasaba os veranos a familia imperial yera o Palacio de Schönbrunn.
Ye un d'os molimentos turisticos mas vesitatos d'Austria. O palacio ye amás seu d'o museu de Sissi y os salons imperials. Tien 2.600 cambras, repartitas en 18 alas y se troba situato en a parti antiga d'a ciudat, en o primer districto u Innere Stadt.
Estilo d'os suyos edificios thumb|250px|left|Choyas d'a corona austriaca Os soberans que han ocupato iste palacio, seu d'o poder mientres seis sieglos, han quiesto, en a suya mayoría, deixar o suyo rastro y, dende o gotico dica o historicismo, de moda en o sieglo XIX, toz os estilos son representatos en a uzena d'edificios que lo forman. En istos edificios se troban: os antigos salons imperials, museus, una ilesia, a Biblioteca nacional austriaca, a Escuela de equitación española y os estudiez d'o president d'a Republica.
Os salons imperials y os tresoros Dende os Kaiserappartements, vente salons son ubiertos, hue lo día, a o publico en a Reichkanzleitrakt (1728-1730) y Amalienburg (1575): son as cambras que habitaba Francisco Chusé I de 1857 a 1916, y as mismas en as que vivió a emperatriz Isabel (Sissi) de 1854 a 1898, y en as que estió o zar Aleixandre I mientres o Congreso de Viena.
A Schatzkammer (Cambra d'o Tresoro) ye o nombre que reciben 21 salas ocupatas por os tresoros, tanto sagratos como seculars, propiedaz d'os Habsburgo a traviés d'os sieglos. Istos tresoros comprenden as choyas d'a corona y as insignias d'o Sacro Imperio Romano Chermanico. O cuadro de l'emperador Maximiliano I feito por Strigel y os tresoros adquiritos cuan se casó con María de Borgonya en 1477.
Vinclos externos
Guía de Viena Espectaclos en o Hofburg Pachina d'a Wiener Hofburgorchester
Hofburg Hofburg