Ethel Barrymore (nombre artistico d'Ethel Mae Blythe), naixida de Philadelphia (Pennsilvania, Estaus Unius) o 15 d'agosto de 1879 y muerta en Los Angeles (California, Estaus Unius) o 19 de chunio de 1959, estió una destacada actriz estausunidense, activa en o teatro estausunidense y en o cine estausunidense dende meyaus d'os anyos 1890 dica meyaus d'os anyos 1950 y con cuantos premios y nominacions recibius mientres a suya carrera artistica. Perteneixeba a la familia Barrymore, una destacada familia en a escena estausunidense: yera filla d'os actors Maurice Barrymore y Georgiana Drew, nieta d'os actors John Drew Jr. y Sidney Drew, chermana d'os actors John Barrymore y Lionel Barrymore, tía de l'actor John Drew Barrymore, y tía agüela de l'actriz Drew Barrymore.
D'entre a suya ampla filmografía, se puet mencionar as suyas interpretacions en bellas cintas como National Red Cross Pageant (1917, Christy Cabanne), Rasputin and the Empress (1932, Richard Boleslawski), None but the Lonely Heart (1944, Clifford Odets), The Spiral Staircase (1946, Robert Siodmak), The Paradine Case (1947, Alfred Hitchcock), That Midnight Kiss (1949, Norman Taurog), The Secret of Convict Lake (1951, Michael Gordon), u Young at Heart (1954, Gordon Douglas).
Premios En 1944, l'actriz Ethel Barrymore recibió lo Premio Oscar a la Millor Actriz Segundaria por o suyo papel de Ma Mott en None but the Lonely Heart, una cinta dirichida por Clifford Odets.
Se veiga tamién Cintas interpretadas por Ethel Barrymore.
Vinclos externos
Ethel Barrymore en IMDb. Ethel Barrymore en Internet Broadway Database. Ethel Barrymore en AllRovi.
Categoría:Actrices de Hollywood Categoría:Actrices d'Estaus Unius Categoría:Muertos en Los Angeles Categoría:Naixius de Philadelphia Categoría:Premio Oscar a la Millor Actriz Segundaria Categoría:1879 (naixencias) Categoría:1959 (muertes)