Iste articlo ye sobre una cinta italiana de 1960; ta atros usos, se veiga La ciociara (desambigación).
La ciociara (títol orichinal en italiano, en aragonés A ciociara,Ciociara ye un chentilicio italiano. estrenada en Aragón con o títol en castellano de Dos mujeres, en aragonés Dos mullers) ye una cinta italiana de l'anyo 1960 de cine de drama y cine belico ambientada en a Segunda Guerra Mundial dirichida por Vittorio De Sica seguntes un guión de Vittorio De Sica y Cesare Zavattini (basau en La ciociara d'Alberto Moravia), con una banda sonora orichinal d'Armando Trovajoli y una dirección de fotografía de Gábor Pogány. Producida por Carlo Ponti ta las productoras Compagnia Cinematografica Champion, Titanus, Les Films Marceau, Cocinor y Société Generale de Cinématographie, en o suyo elenco incluye a destacaus actors como Sophia Loren, Jean-Paul Belmondo, Eleonora Brown, Carlo Ninchi, Raf Vallone y Emma Baron. Antiparte, ye una cinta que ha recibiu cuantos premios.
A cinta (y a novela que en ye l'alazet) charran d'as violacions masivas por soldaus marroquins d'o Cuerpo d'exercito de l'exercito francés que mandaba Alphonse Juin mientres a batalla de Montecassino, con cifras que bels historiadors amanan a 2.000 mullers violadas en lugars, pueblos y ciudaz d'arredol d'o monesterio de Montecassino.
Sinopsi Mientres a Segunda Guerra Mundial, Cesira (Sophia Loren) ye una choven viuda que vive en Roma con a suya filla Rosetta (Eleonora Brown), de nomás que 13 anyadas. Temendo por os continos bombardeyos aerios d'os Aliaus sobre Roma, decide de tornar con a suya filla en o suyo lugar natal. Una vegada han plegau, Cesira conoix a un choven resistent comunista, Michele Di Libero (Jean-Paul Belmondo) de qui s'enamora. Sindembargo, soldaus alemans d'a Wehrmacht lo fan presonero y lo emportan enta lo mont.
Cuan plegan os Aliaus, Cesira creye que o periglo ya ha pasau y decide de tornar en Roma, pero mientres o camín Cesira y Rosetta son violadas por soldaus marroquins d'o Cuerpo d'exercito de l'exercito francés que manda Alphonse Juin mientres a batalla de Montecassino, encara que Rosetta, de 13 anyadas, encara yera virchen. Antiparte, poco dimpués Cesira conoix que os alemans han asasinau a Michele.
Reparto Sophia Loren, en o papel de Cesira. Jean-Paul Belmondo, en o papel de Michele Di Libero, un choven comunista. Eleonora Brown, en o papel de Rosetta. Carlo Ninchi, en o papel de Filippo, o pai de Michele, Raf Vallone, en o papel de Giovanni Andrea Checchi, en o papel de Un faixista. Pupella Maggio, en o papel de Un paseyant. Emma Baron, en o papel de Maria. Bruna Cealti, en o papel de Una refuchiada. Antonella Della Porta. Mario Frera. Franco Balducci, en o papel de Un alemán. Luciana Cortellesi. Curt Lowens. Tony Calio. Remo Galavotti.
Se veiga tamién Cine en 1960. Cintas de 1960.
Referencias
Vinclos externos
La ciociara en Internet Movie Database.
Categoría:Cintas con banda sonora orichinal d'Armando Trovajoli Categoría:Cintas con dirección de fotografía de Gábor Pogány Categoría:Cintas con guión de Cesare Zavattini Categoría:Cintas con guión de Vittorio De Sica Categoría:Cintas con montache d'Adriana Novelli Categoría:Cintas de Francia Categoría:Cintas de cine de drama Categoría:Cintas dirichidas por Vittorio de Sica Categoría:Cintas en italiano Categoría:Cintas interpretadas por Carlo Ninchi Categoría:Cintas interpretadas por Eleonora Brown Categoría:Cintas interpretadas por Emma Baron Categoría:Cintas interpretadas por Jean-Paul Belmondo Categoría:Cintas interpretadas por Raf Vallone Categoría:Cintas interpretadas por Sophia Loren Categoría:Cintas producidas por Carlo Ponti Categoría:Cintas de cine sobre a Segunda Guerra Mundial