O río Ter ye un río catalán con naixedero en o circo d'Ulldeter (en o termin de Setcases, comarca d'o Ripollés), a 2.300 metros d'altaria sobre o livel d'a mar. Vierte as suyas auguas en a mar Mediterrania en l'Estartit, en o termin municipal de Torroella de Montgrí (comarca d'o Baixo Empordán) dimpués d'un recorrito de 208 km de longaria. Drena con as suyas auguas una cuenca hidrolochica con una superficie de 3.010,5 km² a traviés d'un cabal meyano de 25 m³/s (en a suya desembocadura).
En o suyo recorriu se troban entibos d'importancia, beluns relacionaus con o consumo d'augua potable en a ciudat de Barcelona y en l'aria metropolitana de Barcelona, como l'entibo de Sau u l'entibo de Susqueda.
Localidaz que trescruza Setcases. Vilallonga de Ter. Llanars. Camprodon. La Ral. Sant Pau de Segúries. Sant Joan de les Abadesses. Ripoll. Montesquiu. Sant Quirze de Besora. Orís. Borgonyà. Torelló. Masies de Voltregà. La Gleva. Manlleu. Masies de Roda. Roda de Ter. Vilanova de Sau. Susqueda. Osor. La Cellera de Ter. Anglès. Sant Julià del Llor i Bonmatí. Bescanó. Salt. Chirona. Sarrià de Ter. Sant Julià de Ramis. Medinyà. Celrà. Bordils. Cervià de Ter. Sant Joan de Mollet. Flaçà. Sant Jordi Desvalls. Colomers. Jafre. Verges. Ultramort. Ullà. Torroella de Montgrí. L'Estartit.
Afluents Río Ritort. Río Freser. Río Rigard. Río de Núria. Riera de Vallfogona. Río Ges. Río Fornés. Riera dels Sorreig. Río Gurri. Riera de les Gorgues. Riera Major. Riera de Rupit. Riera de l'Om. Río Brugent del Ter. Riera d'Osor. Riera de Llémena. Río Güell. Río Onyar. Río Terri. Río Daró.
Vinclos externos
Ter