O Burgtheater (en dialecto vienés Buagtheata; en aragonés Teatro Imperial d'a Cort) ye o Teatro Nacional d'Austria en Viena y un d'os mas importants teatros d'o mundo en luenga alemana. O Burgtheater fue inaugurato en 1741 y orichinalment se deciba "K.K. Theater an der Burg", a partir de 1794, o teatro se conoixió como "K.K. Hoftheater nächst der Burg" y dende 1920 "K.K. Hofburgtheater". Os vieneses le dicen simplament "Die Burg" (en dialecto vienés De Buag).
Historia thumb|250px|right|Burgtheater en l'anyo 1900 Fue inaugurato o 14 de marzo de 1741 por a emperatriz María Tresa I d'Austria con a finalidat de disposar d'un teatro que se trobase amán d'o suyo palacio. O suyo fillo, l'emperador Chusé II d'Austria le deciba "Teatro Nacional Alemán". Tres operas de Mozart s'estrenoron en o suyo escenario: O rapto en o serrallo (Die Entführung aus dem Serail, 1782), As vodas de Figaro (Le nozze di Figaro, 1786) y Asinas fan todas (Così fan tutte, 1790).
O 14 d'octubre de 1888, o teatro se tresladó enta un nuevo edificio, disenyato por Gottfried Semper y Karl Freiherr von Hasenauer, situato en a Ringstraße.
O 12 de marzo de 1945 o Burgtheater fue grieument destruito por un bombardeyo y, un mes mas tardi, o 12 d'abril, se destruyió mas encara debito a un incendio d'orichen desconoixito. Dimpués d'a Segunda Guerra Mundial, o teatro fue restaurato entre 1953-1955.
Directors d'o "Burgtheater" Joseph Schreyvogel (1814-1832). Heinrich Laube (1849-1867). Hermann Röbbeling (1932-1938). Mirko Jelusich (1938). Lothar Müthel (1939-1945). Raoul Aslan (1945-1948). Josef Gielen (1948-1954). Adolf Rott (1954-1959). Ernst Haeussermann (1959-1968). Paul Hoffmann (1968-1971). Gerhard Klingenberg (1971-1976). Achim Benning (1976-1986). Claus Peymann (1986-1999). Klaus Bachler (dende 1999).
O Burgtheater ha estato o puesto a on s'han estrenau numerosas obres de teatro d'autors com Thomas Bernhard, Elfriede Jelinek, Peter Handke, Peter Turrini y George Tabori, entre muitos atros.
Estrenos absolutos en o Burgtheater (lista incompleta) 200px|thumb|Interior d'o Burgtheater. 1762 - Orfeo ed Euridice de Christoph Willibald Gluck. 1767 - Alceste de Christoph Willibald Gluck. 1782 - Die Entführung aus dem Serail de Wolfgang Amadeus Mozart. 1786 - Le nozze di Figaro de Wolfgang Amadeus Mozart. 1787 - L'arbore di Diana de Vicent Martín i Soler. 1790 - Così fan tutte de Wolfgang Amadeus Mozart.
Vinclos externos
Pachina web d'o Burgtheater Información y fotos d'o Burgtheater
Categoría:Molimentos de Viena Categoría:Teatros d'Austria