Juho Pietari Kolehmainen, mas conoixito como Hannes Kolehmainen, naixito de Kuopio, Gran Ducado de Finlandia o 9 d'aviento de 1889 y muerto en Helsinki, Finlandia l'11 de chinero de 1966, estió un atleta finlandés que compitió en os Chuegos Olimpicos d'Estocolmo 1912 estando campión en as prebas de 5.000, 10.000 metros lisos y campo a traviés amás de estar subcampión en campo a traviés por equipos. Tamién partecipó en os Chuegos Olimpicos d'Anvers 1920, estando campión olimpico d'a maratón. Se tresladó a Estaus Unius a vivir y a competir y en l'anyo 1921 aconsiguió la nacionalidat estadounidense, allí compitió per lo Irish American Athletic Club
Feba parte d'una famlia d'esportistas y a suya gran trachectoria esportiva estió interrumpida per la Primera Guerra Mundial. Dos chirmans d'él, Wiliam y Tatu tamién estioron destacaus corredors en Finlandia, Tatu compitió con a selección d'o suyo país en a maratón d'os Chuegos Olimpicos de 1920 ocupando un meritorio 10eno puesto. Hannes estió o primer d'a cheneración de grans corredors conoixida como os finlandeses voladors (Flying Finns) con Paavo Nurmi, Ville Ritola, Albin Stenroos, Volmari Iso-Hollo, Taisto Mäki y Lasse Virén.
En os Chuegos Olimpicos de Helsinki 1952 estió o zaguer relevo d'a torcha olimpica.
Vinclos externos
Biografia de Hannes Kolehmainen seguntes o COI. Hannes Kolehmainen en os Chuegos Olimpicos.
Categoría:Atletas de Finlandia en os Chuegos Olimpicos de 1912 Categoría:Atletas de Finlandia en os Chuegos Olimpicos de 1920 Categoría:Atletas de Finlandia en os Chuegos Olimpicos de 1924 Categoría:Atletas olimpicos de Finlandia Categoría:Corredors de meyo fundo de Finlandia Categoría:Corredors de fundo de Finlandia Categoría:Medalla d'oro en os Chuegos Olimpicos Categoría:Medalla d'archent en os Chuegos Olimpicos Categoría:Medallistas olimpicos de Finlandia Categoría:Naixius de Savonia d'o Norte Categoría:1889 (naixencias) Categoría:1966 (muertes)