Ahmed Boughéra El Ouafi (en idioma arabe أحمد بوغيرا العوافي), conoixito como Boughéra El Ouafi, naixito d'Ouled Djellal (Alcheria francesa, hue Alcheria) o 15 d'octubre de 1898 y muerto en Saint Denis, Francia o 18 d'octubre de 1959, estió un atleta francés que compitió en os Chuegos Olimpicos de París 1924 y en Chuegos Olimpicos d'Amsterdam 1928 aconsiguindo estar campión olimpico d'a maratón en istos zaguers.
Dimpués d'a suya victoria en os Chuegos realizó una chira per Estaus Unius, an participó en exhibicions atleticas, acceptando desafios y correndo contra animals en circos. allí ganó pro diners, pero en estar considerau como atleta profesional per lo Comité Olimpico Internacional no se le permitió seguir competindo como atleta amateur en niguna competición federada. Esto fació que abandonase lo esporte y intentase atras formas de ganar-se la vida. Con os diners aconseguius en Estaus Unius intentó ubrir un negocio de hosteleria pero estió estafau per lo que se vió forzau a acceptar y intentar treballar en atros oficios dica que estió atropellado per un autobús que le deixó incapacitau pa lo treballo.
Estubo ixuplidau mientres muitos anyos dica que unatro atleta d'orichen argelino, tamién ganador d'a maratón en os Chuegos Olimpicos de 1956 lo levó a una recepción a lo Palacio de l'Eliseu, pero tres anyos mas tarde, en 1959, Lo Ouafi estió asasinau en una tabierna de Saint-Denis en circumstancias nunca aclaridas.
Vinclos externos
Boughéra El Ouafi en os Chuegos Olimpicos.
<center>
Categoría:Atletas de Francia en os Chuegos Olimpicos de 1924 Categoría:Atletas de Francia en os Chuegos Olimpicos de 1928 Categoría:Corredors de fundo de Francia Categoría:Corredors de fundo d'Alcheria Categoría:Medallistas olimpicos de Francia Categoría:Medalla d'oro en os Chuegos Olimpicos Categoría:Muertos en París Categoría:1898 (naixencias) Categoría:1959 (muertes)