El Coritiba Foot Ball Club, mas conoixiu como Coritiba, ye un club de fútbol brasilero d'a ciudat de Curitiba. Fundau lo 12 d'octubre de 1909 por descendients d'alemans, ye un d'os clubs mas populars d'o Paraná y tradicionals d'o sud de Brasil, estando lo mas antigo d'o estau, y entre los clubs campions brasileiros, o tercer mas antigo d'a rechión, amás de estar o club con mas títols d'o Paraná.
Popularment dito Coxa, tien como colors suyas o verde y o blanco, y como estadio l'Couto Pereira, inaugurau en 1932 y con capacidat actual pa recibir mas de 40.000 personas. O suyo rival local ye l'Athletico Paranaense, con qui fa lo clásico Atletiba, una de las grans rivalidaz d'o fútbol brasileiro, disputando tamién o clásico Paratiba, contra lo Paraná Club.
Estió lo primer club d'o fútbol paranaense en conquerir o campionato brasileiro, en 1985, crebando la hechemonía d'equipos de São Paulo, Río de Janeiro, Río Grande do Sul y Minas Gerais que se manteneba dende 1960. Amás d'este títol, o Coritiba poseye 39 campionatos paranaenses, mas que os suyos toz dos rivals chuntos. Posei tamién dos subcampionatos d'a Copa d'o Brasil, en 2011 y 2012, amás de dos Campionatos Brasileros d'a serie B, conquiestos en 2007 y 2010.
L'equipo verde y blanco de Curitiba ye tamién o primer equipo de Paraná en participar en a Copa Libertadores d'a América. O Coritiba ye un d'os poseyedors d'o récord de victorias consecutivas en competicions oficials, con 24, cifra alcanzada en 2011, habendo chugau mas de 4.900 partius en a suya historia.
Vista cheneral O Coritiba ye o primer club d'o sud de Brasil en haber conquiesto un títol nacional, o Torneio do Povo de 1973, y tamién o primer club d'o sul en haber competiu en as dos prencipals competicions continentals, a Copa Libertadores d'America y a Copa Sudamericana. A millor partecipación d'o Coritiba en a Copa Sudamericana esdevenió en 2016, quan l'equipo plegó dica os cuartos de final. Manimenos, en a Copa Libertadores d'America, o club no consiguió superar a fase de grupos en garra d'as edicions en as que partecipó.
Estió o primer club de Paraná en conquerir a Série A (o prencipal títol en Brasil) y en aconsiguir as semifinals en a segunda prencipal competición d'o país, a Copa do Brasil, en 1991, 2001, 2009, amás de plegar a las finals en 2011 y 2012. Unico en conquerir seis títols consecutivos d'o Paranaense, entre 1971 y 1976, o Coritiba ye tamién o club con més partecipacions en iste campionato.
Con més de 35 mil socios, o Coxa ye una d'as agremiacions con o mayor numero de socios torcedors d'o país.Athetiba dos sócios Coritiba 35.000, pachina esvirada o 7 d'abril de 2022 y disponible o 3 de chunio de 2025.
O máximo goleyador d'a Historia d'o Coritiba ye Duílio Dias, con 254 gols marcaus, y qui més chugó por o Coxa estió o ex-portero Jairo, con 410 partius.Gazeta do Povo - Duilio ex-atacante do Coritiba ganha 52 gols e sobe em lista de artilheiros, pachina esvirada o 8 de chinero de 2012 y disponible o 2 de chunio de 2025.Globoesporte.com- De Reginaldo a Jairo GE lista os 10 jogadores com mais partidas na História do Coritiba, pachina esvirada o 26 de marzo de 2020 y disponible o 3 de chunio de 2025.
Dende 2013, tien partenadatos (incluyindo emprésamos y intercambios de chugadors chóvens) con o Porto y o Benfica de Portugal, as Chivas Guadalajara de Mexico, o Daegu de Corea d'o Sud y o VVV-Venlo d'os Países Baixos. En 2022, o Coritiba anunció un partenadiato con o Norwich City, d'Anglaterra.
Historia miniatura|300px|dreta|Fritz Essenfelder, un d'os fundadors d'o Coritiba.
En 1909, un grupo de chóvens se reuniba en o club Teuto Brasilianischer Turnverein Zu Curitiba (en portugués, Clube Ginástico Teuto-Brasileiro Turnverein), a on a comunidat d'inmigrants alemans de Curitiba se reuniba pa chugar una variedat de esportes. En chulio d'ixe anyo, un destaque d'o club, Frederico "Fritz" Essenfelder plegó con una pilota de cuero en a man. Explicó a os amigos que yera una pilota de fútbol y explicó as reglas d'iste nuevo chuego. Fritz y os suyos amigos d'o club prencipioron a organizar partius en o campo d'o Quartel d'a Forza Publica.
Mas tardi, plegó a invitación pa disputar un partiu contra un club de treballadors, muitos d'éls angléses, d'o ferrocarril de Ponta Grossa. O 12 d'octubre de 1909, Fritz convocó una reunión en l'antigo Teatro Hauer (Hauer Theatre) pa organizar o primer partiu. Se decidió formar un club de fútbol, que él clamaría Teuto-Brasileiro. O Teuto-Brasileiro sería o primer club de fútbol de l'estato de Paraná.
L'endemán d'o chuego en Ponta Grossa, entusiasmaus con o nuevo esporte, os chóvens discutioron a posibilidat d'a creyación d'un nuevo club dedicau exclusivament a la practica d'o fútbol. Dimpués de bella reunión, o 30 de chinero de 1910, se fundó o "Coritibano Foot Ball Club", nombre por o cual os chóvens fuoron tractaus en Ponta Grossa quan alá chugoron. A primera asamblea se realizó o 21 d'abril de 1910, dimpués que o club solicitó todas as reglas d'o esporte en o Río de Janeiro y en São Paulo. En ella esdevenió a votación pa a primera directoria, composada por o president João Viana Seiler y o suyo vice Arthur Hauer.
Estió en ista asamblea que o nombre d'o club fue alterau ta "Coritiba", antiga grafía d'a capital paranaense, una vegada que ya i heba en a ciudat un club social clamau Coritibano. Prencipia-se entonces a busca por un campo. O local esleito estió l'hipódromo d'o Guabirotuba, actual PUC-PR, que amás de tener as arquibancadas necesarias pa acommodar os torcedors, poseyeba en o centro d'a pista de cursas una gran aria que no yera utilizada.
En 1915, se disputan por primera vegada o Campionato d'a Ciudat y o Campionato Paranaense, con o Coritiba partecipando en as dos competicions. Ya en l'anyo siguient, se sagra campión en as dos competicions. O 2 de chulio de 1916, a goleada de 7x0 sobre l'Espartano Esporte Clube por o campionato estatal, se converte en a primera gran goleada d'o club en chuegos oficials. O destaque d'a equipa en l'anyo estió José Bermudes, mas conoixiu como Maxambomba, que plegaría a convertir-se en o primer chugador d'una equipa paranaense en estar convocau ta a selección brasilera. En 1917, vence tamién o Torneio Afonso Camargo y pasa a chugar en o Parque da Graciosa, en o Juvevê, a on alzó un nuevo estadio en o cual quedó dica 1932.
En 1920, ye campión d'o Torneio Início. En l'anyo siguient, vence de nuevo o Torneio Início, asinas como o Torneio da Cruz Vermelha y o Torneio de Tiradentes. En o mesmo anyo, o 15 d'agosto, a victoria por 1x0 sobre a Selección Paulista, que yera a base d'a Selección Brasilera, mete por primera vegada o fútbol paranaense en evidencia a ambito nacional. O atacante Maxambomba y o meyo Gonçalo Pena son convocaus ta servir a la selección brasilera en o Campionato Sud-americano de 1921, actual Copa América. En 1924, disputa o primer partiu oficial contra aquel que plegaría a convertir-se en o suyo mayor rival dentro de l'estato, o Athletico Paranaense. O partiu, disputau o 8 de chunio, remata en a goleada de 6x3 ta o Coritiba, con cuatro gols de Ninho.
miniatura|300px|cucha|Directoria d'o Coritiba Foot Ball Club en 1927, president d'o club, Major Antônio Couto Pereira, o primero sentau a cucha En 1927, ya con Antônio Couto Pereira como president, vence o campionato estatal en una campanya de ueito victorias en nueu chuegos, y con Staco marcando siet gols en a victoria de 9x0 sobre o Savoia. En o mesmo anyo, vence tamién o Campionato d'a Ciudat y a Taça Fox, que da prencipio a rivalidat entre Coritiba y Athletico Paranaense. En 1930 o Coritiba ye campión d'o Torneiro Início. O 23 de noviembre, a goleada de 7x4 sobre o Athletico Paranaense, se converte en o clasico con mayor numero de gols d'a historia. En l'anyo siguient, vence o Campionato Paranaense y o Campionato d'a Ciudat. O campionato estatal de 1931 ye un capítulo a parte en a historia coritibana, prencipalment a decisión con o Palestra Itália, que contó con un personache que ye eternizau en a historia d'o club, Moacyr Gonçalves, apelidau Príncipe, o primer chugador afrodescendient a vestir a camiseta d'un club d'a capital.
En 1932, vence o Torneio Início y o Torneio dos Cronistas Esportivos. O 7 d'agosto, vence l'Atletiba por 6x1 chugando en a casa d'o rival y con una equipa composada, en a suya mayor parte, por reservas. O 19 de noviembre, s'inaugura l'estadio Belfort Duarte. O chuego d'inauguración estió debant d'o América-RJ, actual campión carioca, que remató en 4x2 ta l'equipa paranaense. Contina entonces una fase de victorias en bels campionatos, contando con Campionato d'a Ciudat (1933, 1935 y 1939), campionato estatal (1933, 1935 y 1939), Torneio Arthur Friedenreich (1934) y Torneio Início (1939).
En 1941 y 1942, conquista o suyo primer bicampionato estatal, Neno marca siet gols en a victoria de 10x2 sobre o Jacarezinho o 1 de febrero de 1942. O 8 d'aviento, o Coritiba aplica a suya primera gran goleada contra un equipo de difuera de l'estato, venciendo o Internacional por 7x4 en un amistoso en o Belfort Duarte. En 1943 vence o Torneio Imprensa y o Torneio Luis Aranha. En 1944, vence o Torneio Getúlio Vargas, y en l'anyo siguient, conquistan o torneio Ciudat de Curitiba.
En 1950, o Coritiba conquista o Torneio Triangular de Curitiba y, en 1951 y 1952, o Torneio Início y o bicampionato estatal. Ye campión en 1953 d'os Torneios Quadrangular Interestadual y Quadrangular de Londrina. Tanto en 1954 como en 1956 ye campión estatal. En 1956, ya baixo o comando de Aryon Cornelsen, que permaneixió en a presidencia dica 1963. En l'anyo siguient, ye bicampián paranaense y gana tamién o Torneio Início. En 1959 ye de nuevo campión estatal, rematando a decada de 1950 con seis títols estatals conquiestos.
En 1960, o Coxa ye bicampián paranaense. En o mesmo anyo, perdió o celebre chuego d'a moneda ta o Grêmio, por a Taça Brasil. Dimpués de tres empates succesivos entre as equipas, a plaza se decidió en cara u cruz. En 1967 Evangelino da Costa Neves ye esleiu president d'o club, permaneixendo por mas de vint anyos, en tres mandatos. O 6 d'agosto, vence o Atlético de Madrid d'Espanya en o Belfort Duarte, por 3 x 2, con 3 gols de Walter. O 12 d'aviento, vence a selección d'Hongría, por 1 x 0 en o Belfort Duarte. Hongría heba venciu a la selección brasilera en a Copa d'o Mundo de 1966.
En 1969, o Coritiba ye bicampián estatal y fa a suya primera excursión ta l'exterior, partecipando de chuegos amistosos en Alemanya, Austria, Bulgaria, Holanda y Belchica, participa tamién d'o III Torneio Ciudat de Murcia, en Espanya, y conquista a Taça Pierre Colon, en Francia. Mientres istes torneos, o Coxa enfrentó as prencipals equipas de cada país, o Valencia d'Espanya, o Borussia Dortmund d'Alemanya, o Bordeaux de Francia, o Feyenoord d'Holanda, o Austria Wien d'Austria, o Levski Sofia de Bulgaria, y o Anderlecht de Belchica.
En 1971, o Coxa asume a hechemonia definitiva d'o fútbol paranaense en a clamada decada d'oro. O títol estatal ubre a serie d'o hexacampionato (1971, 1972, 1973, 1974, 1975, 1976). O 18 de chinero d'o mesmo anyo, vence a selección de Francia por 2 x 1 en o Belfort Duarte. Díadas antes Francia heba venciu a la selección Archentina.
miniatura|300px|dreta|Torneio do Povo (1973) En 1973, o Coritiba vence o Torneio do Povo, se convertindo en a primera equipa d'o sul de Brasil en conquerir un torneio d'ambito nacional. O 18 de chunio d'o mesmo anyo, vence a selección de Paraguai por 1 x 0 en o Belfort Duarte. Conquesta encara o Quadrangular de Goiás en 1975 y a Taça Ciudat de Curitiba/Taça Clemente Comandulli en 1976 y 1978. En 1977 o nombre de l'estadio Belfort Duarte ye alterau ta Major Antônio Couto Pereira, y en os anyos de 1978 y 1979 l'equipa ye bicampián estatal, rematando a decada de 1970 con ueito títols estatals conquiesto. Encara en 1979, remata o campionato nacional en tercer puesto.