As magras con tomate son un plato tipico d'a gastronomía aragonesa feito con carne (magras de pernil) y salsa de tomate (tomate). A receta con diversas variants ye conoixita en por o norte d'a peninsula (como en Navarra), trobando-se o suyo orichen en Aragón.Néstor Luján, Juan Perucho, (2003), El libro de la cocina española, Tusquets, pp:319-342 A vegadas se mincha ta desayunar-se.
Caracteristicas A carne magra (limpia de grasa y tendons) que ye emplegata en a receta ye por un regular de tocín (chullas de pernil d'un centimetro de gordaria) que se fríen en aceit con allos. A receta tradicional fa servir magro de pernil.Teodoro Bardají Mas, (1935), «La cocina de ellas»,Madrid, (receta 598), pag. 444-445Gervasio Gironella, (1852), Semanario pintoresco español: Lectura de las familias, Madrid, Volúmenes 17-18, pag. 343 En bellas ocasions si son salazón se gosan mullar en leit templata mientres bellas horas antis de cocinar-las. Gosa emplegar-se un pernil no guaire curato. En pasar-se por a sartén van deixando a suya grasa. Yera un alimento popular en o sieglo XIX, tal y como lo refleixan bels autors.Mariano José de Larra, (1898), Colección de Artículos Escogidos, Madrid, (art. «Castellano viejo») Alguns autores les ne dicen magras teruelanas.Manuel Vázquez Montalbán, (2002), La cocina de la harina y el cordero, Madrid, , pag. 34
En Navarra se gosan fer con pernil y uevo con salsa de tomate.Jose Maria Lacambra-Loizu, (2004), The Lords of Navarre: A Basque Family Saga, iUniverse, pag. 366Víctor Manuel Sarobe, (1995), La cocina popular Navarra, Caja de Ahorros de Navarra En Pamplona a brenda habitual que se fa dimpués d'a lidia d'o tercer toro, son magras con tomate. A vegatas s'emplegan tomates enteros en a elaboración y o suyo sofrito va parando a salsa necesaria ta elaborar a receta de magras. Tamiés se gosa decorar con pimientos royos tallatos en chuliana.
Referencias literarias En l'anyo 1832 o escritor y periodista Larra nombra o plato en una d'as suys obras. A describe en una mesa madrilenya.
O Duque de Rivas as nombra en un romance:
O escritor Benito Pérez Galdós en Torquemada y San Pedro (1895), describe iste plato. Anyos dimpués o mesmo escritor en os suyos Episodios Nacionales titulatos: "De Cartago a Sagunto", cap. XIX (escritos dica 1911) mete iste plato en boca de navarros. O escritor costumbrista madrilenyo Ramón Mesonero Romanos ya describe iste plato en Madrid.
Referencias
Se veiga tamién Recau de Binéfar.
Categoría:Platos d'Aragón Categoría:Platos de Navarra