Susan Sarandon (nombre artistico de Susan Abigail Tomalin), naixida de Nueva York (Nueva York, Estaus Unius) o 4 d'octubre de 1946, ye una destacada actriz y productora cinematografica estausunidense, activa en o cine estausunidense dende zaguerías d'os anyos 1960 y con cuantos premios recibius mientres a suya carrera cinematografica.
D'entre a suya ampla filmografía, se puet destacar beluna d'as suyas interpretacions, en bellas cintas como Atlantic City (1980, Louis Malle), The Witches of Eastwick (1987, George Miller), Bull Durham (1988, Ron Shelton), Thelma & Louise (1991, Ridley Scott), Lorenzo's Oil (1992, George Miller), The Client (1994, Joel Schumacher), Dead Man Walking (1995, Tim Robbins), Stepmom (1998, Chris Columbus), Igby Goes Down (2002, Burr Steers), Emotional Arithmetic (2007, Paolo Barzman), u Jeff, Who Lives at Home (2012, Jay Duplass y Mark Duplass).
Antiparte, Susan Sarandon ye tamién conoixida por as suyas actividaz en o campo d'a politica; asinas, estió uno d'os refirmes d'o independient Ralph Nader en as eleccions presidencials de l'anyo 2000, ta dar refirme dimpués a lo politico d'o Partido Democrata d'os Estaus Unius Barack Obama. Tamién fació publico o suyo refirme a lo movimiento Occupy Wall Street en l'anyo 2011.
Premios L'actriz Susan Sarandon recibió un premio Oscar a la Millor Actriz en 1995 en a 68ena edición d'os Premios Oscar por a suya interpretación de Helen Prejean en Dead Man Walking, una cinta que heba dirichiu Tim Robbins.
Se veiga tamién Cintas interpretadas por Susan Sarandon.
Vinclos externos
Susan Sarandon en Internet Movie Database.
Categoría:Actrices d'Estaus Unius Categoría:Naixius de Nueva York Categoría:Premio Oscar a la Millor Actriz Categoría:Productors cinematograficos d'Estaus Unius Categoría:1946 (naixencias)