O Mercau Central de Budapest tamién conoixiu como o Gran Salón d'o Mercau de Budapest (en hongaro Központi Vásárcsarnok u Nagyvásárcsarnok) ye a plaza de mercau cubierta u baixo teito mas gran d'Hongría. Se troba situau en o Bulevar Vámház, debant d'a Plaza Fővám, amán d'o Puent d'a Libertat sobre o río Danubio en Budapest, en o districto IX, chunto a la Universidat de Budapest Corvinus. O Mercau Central de Budapest ye administrau y operau por CSAPI Página Oficial (Fővárosi Önkormányzat Csarnok és Piac Igazgatósága), institución hongara que s'encarga d'os centros de mercau en Budapest. A suya adreza exacta en hongaro ye 1093 Budapest, Vámház körút 1-3. Ye un d'o puestos mas vesitaus por os turistas y ye amás un d'os edificios mas emblematicos d'a capital d'Hongría.
Historia thumb|250px|left|Salón d'o Mercau de Budapest en 1898 O Mercau Central de Budapest prencipió a construyir-se en zaguerías d'o sieglo XIX, exactament en l'anyo 1894. Manimenos, a suya devantadera estió o 15 de febrero de 1897, http://www.ohb.hu/guide/market_hall.es.html www.ohb.hu] tres anyos dimpués. Ta ista mesma calendata tamién s'inauguroron atras plazas de mercau en a ciudat. O coste total d'a construcción estió d'un millón noucientos mil forins.
L'edificio fue disenyado por o profesor universitario Samu Pecz y en a suya construcción treballoron importants artesans d'a epoca. O suyo primer administrador estió Nándor Ziegler.
O mercau O mercau ofreixe una gran variedat de puestos en os suyos tres rans. Una caracteristica distintiva d'a suya arquitectura ye o suyo teito que se restauró ta incluyir-ie tellas de porcelana de Zsolnay de cuantas colors.
A mayoría d'os puestos que se troban en a primera planta ofreixe comida como carnes, lamins, especias como a paprika, tokaji, túró rudi u caviar. En a segunda planta se pueden trobar mas que mas souvenirs y bellas cosas ta minchar. O puesto d'ista planta a on se vende o lángos, una especialidat culinaria hongara, ye seguntes Rick Steves o millor de tot o mercau. En o soterranyo se troba un supermercau, un mercau de pescau y puestos d'encurtius. En isto zaguers se pueden trobar no nomás pepiniellos, sino tamién cols, carbazas, remolachas, tomates y allos. Budapest, 2011. Rick Steves y Cameron Hewitt. Avalon Travel. Berkeley, California ISBN 978598807714.
O mercau ye zarrau os domingos, ubre a las 6:00 a resta de días y zarra a las 17:00 os lunes, a las 18:00 de martes a viernes y a las 15:00 os sabados. www.talkingcities.co.uk
Referencias
Vinclos externos
Categoría:Molimentos de Budapest Central de Budapest