Pietro Paolo Mennea mes conoixito como Pietro Mennea, naixito de Barletta, Pulla o 28 de chunio de 1952 y muerto en Roma, Lazio o 21 de marzo de 2013 estió un atleta italiano que yera especializato en prebas de velocidat y relevos. Participó en cinco Chuegos Olimpicos y estió ganador d'una medalla d'oro en Moscú 1980 y dos medallas de bronce una en Moscú 1980 y unatra en Múnich 1972. En l'actualidat a suya marca en os 200 metros lisos ye récord d'Europa.
Dimpués d'a suya retirata como atleta d'elite estió abocato, representant d'atletas y politico, estando esleyito eurodiputato dende 1999 dica 2004 por o partiu I Democratici.
Carrera esportiva Participó en cinco Chuegos Olimpicos y estió ganador d'una medalla d'oro en Moscú 1980 y una medalla de bronce en Múnich 1972 en a preba de 200 m. lisos a mas de ganar atra medalla de bronce en Moscú 1980 en os relevos 4 x 100 m lisos. En o Campionato d'o Mundo d'atletismo de Helsinki 1983 aconsiguió una medalla d'archent en os relevos 4 x100 y una de bronce en 200 metros lisos. Aconsiguió muitas otras clasificacions destacatas en campionatos internacionals en os que bi ha de destacar tres medallas d'oro en o Campionato d'Europa d'Atletismo (una en 200 m. en Roma 1974 y dos en 100 y 200 en Praga 1978).
En os campionatos nacionals aconsiguió estar campión d'Italia muitas vegatas, 3 en os 100 metros llisos en 1974, 1978 y 1980, 11 vegatas en 200 metros lisos en 1971, 1972, 1973, 1974, 1976, 1977, 1978, 1979, 1980 , 1983 y 1984 y una en relevos 4x100 en l'anyo 1974.
Bibliografía
Vinclos externos Biografía de Pietro Mennea en a pachina web d'a IAAF. Pachina web personal. Fundación Pietro Mennea. Biografía y historial de Pietro Mennea en os Chuegos Olimpicos.
<center>
<center>
Categoría:Atletas d'Italia en os Chuegos Olimpicos de 1972 Categoría:Atletas d'Italia en os Chuegos Olimpicos de 1976 Categoría:Atletas d'Italia en os Chuegos Olimpicos de 1980 Categoría:Atletas d'Italia en os Chuegos Olimpicos de 1984 Categoría:Atletas d'Italia en os Chuegos Olimpicos de 1988 Categoría:Medalla d'oro en os Chuegos Olimpicos Categoría:Medalla de bronce en os Chuegos Olimpicos Categoría:Medallistas olimpicos d'Italia Categoría:Muertos en Roma Categoría:Naixius de Pulla Categoría:Velocistas d'Italia Categoría:1952 (naixencias) Categoría:2013 (muertes)