A Seu de Sant Pavlo de Londres (en anglés St Paul's Cathedral) ye a una ilesia de Londres, seu d'a Diocesi de Londres aintro d'a Ilesia d'Anglaterra. A suya advocación a Sant Pavlo data de l'antiga ilesia que se trobaba en iste mesmo puesto y que s'establió en l'anyo 604. B. Weinreb & C. Hibbert. "The London Encyclopaedia" p. 778. Sant Pavlo se situa en a tuca d'o tozal de Ludgate, o punto mas alto d'a Ciudat de Londres, y ye a ilesia prencipal d'a Diocesi de Londres. L'actual edificación data d'o sieglo XVII y se construyió en estilo barroco anglés seguindo o disenyo de Sir Christopher Wren, como parti d'una reconstrucción que se fació en a ciudat dimpués d'o Gran Incendio de Londres. Helen Gardner; Fred S. Kleiner, Christin J. Mamiya, Gardner's Art through the Ages. Thomson Wadsworth, (2004)
A seu ye un d'os mas famosos iconos d'a ciudat de Londres, con a suya cupula dominó l'horizont d'a ciudat mientres 300 anyos. Sir John Betjeman, A Pictorial History of English Architecture, John Murray, (1970), Con 111 m d'altaria, estió l'edificio mas alto de Londres dende 1710 dica 1962, y a suya cupula se troba encara entre as mas altas d'o mundo. En termins d'aria, Sant Pavlo ye a segunda ilesia mas gran d'o Reino Uniu dimpués d'a Seu de Liverpool.
A seu de Sant Pavlo tien un papel prou important en a identidat nacional d'a población anglesa. Rebecca Pierce, National Identity and the British Empire: the Image of Saint Paul’s Cathedral, Master's Thesis, Marshall University (2004) Asinas ye o motivo prencipal d'a-saber-los articlos promocionals, como as postals con imáchens d'a cupula rodiata por o fumo y as flamas en o Blitz mientres a Segunda Guerra Mundial.
Sant Pavlo ha estato o puesto a on s'han feito importants ceremonias como os funerals de l'almirant Nelson, o Duque de Wellington u Sir Winston Churchill; as celebracions d'o chubileu d'a reina Victoria; as misas en rematar a Primera y Segunda Guerras Mundials; a voda entre o prencipe Carlos y Diana de Galas, u as celebracions d'o 80eno cabo d'anyo d'a reina Isabel II entre atros muitos actos.
Referencias
Vinclos externos
Pachina oficial d'a seu
Categoría:Molimentos de Londres Sant Pavlo