Alcanyicello (Alcañicejo en castellano) ye un lugar despoblau de l'actual termin municipal de Tosos, en lo Campo de Carinyena y en la provincia de Zaragoza.
Toponimia En textos medievals lo podemos veyer escrito sin diminutivo como Alcanyiç, con diminutivo -ello u la suya variant -echo (Alcannicello, AlcanicilloJosé Rius Serra:Rationes decimarum Hispaniae (1279-80): Aragón y Navarra. CSIF 1946., Alcanyicello, Alcanyicejo), con diminutivo -iello (Alcaniciello Tomás Domingo Pérez, Maria Rosa Gutiérrez Iglesias. La gracia del quinto diezmero concedida en el año 1409 a la fábrica de La Sero por Benedicto XIII y su primera ejecucion en 1412. Aragón en la Edad Media Nº 14-15, 1, 1999., Alcanyziello Actas d'el proceso de Corz de Maella (1404)), u con diminutivo -uelo (Alcanyiçuelo). Tamién se vei en textos medievals l'apelativo de la Uerba (Alcanniz de la Huerba Actas d'el proceso de Corz de Teruel (1428)). La forma con sufixo -ello ye una forma que corresponde a la fonetica aragonesa y que se castellanizó dando l'actual toponimo Alcañicejo.
Historia En la Edat Meya bi habió un castiello que controlaba estratechicament lo paso por la Uerba. Eduardo Viñuales Cobos: Red Natural de Aragón. Campo de Cariñena nº 25, 2008 En fuents musulmanas andaluzas ya mencionan Al Kanisa en l'anyo 878 como un puesto de paso a on bi habió una batalla mientres una expedición contra Saraqusta. Tamién ye mencionau probablement en lo Poema de Mio Cid:
Alcanyicello fue reconquiesto en ixas envuentas d'Alifonso I lo Batallero, qui en aviento de l'anyo 1124 lo donó a los chirmans Fruela y Pelayo Luís Rubio, Los documentos del Pilar. Archivo de Filología Aragonesa. XVI-XVII. 1965-1966. pero retenendo pa él una tercera part.
Manimenos este lugar y castiello cambió de mans en muitas ocasions. Lo 20 d'agosto de 1348 lo compró la Comunidat de Daroca, pero pasó a mans de Ximeno de Bailo lo 12 d'octubre de 1364 por cesión de Pero lo Cerimonioso. Los zaguers dreitos reyals que i teneba lo rei fuoron vendius a Chuan Ferrández d'Heredia lo 12 de febrero de 1371. En 1372 lo rei remató cedendo este lugar y castiello a Gonzalo González de Lucio.
Referencias
Bibliografía UBIETO ARTETA, Antonio: Historia de Aragón. Los pueblos y los despoblados 1 (Ed. Anubar. Zaragoza, 1984). Eduardo Viñuales Cobos: Red Natural de Aragón. Campo de Cariñena nº 25, 2008. José Luis Corral Lafuente: Alcañiz de Huerva. Notas para su identificación. Aragón en la Edad Media, ISSN 0213-2486, Nº 13, 1997 , pachinas. 41-64
Categoría:Despoblaus d'a provincia de Zaragoza Categoría:Lugars de Tosos Categoría:Lugars d'a provincia de Zaragoza Categoría:Localidaz de l'archidiocesi de Zaragoza en o Campo de Carinyena