O tracio estió un idioma, hue extinguito, d'a familia lingüistica d'as luenga indoeuropea, charrata en o sud-este d'Europa. A extinción d'o tracio como luenga charrata ye d'arredol d'o sieglo VI, con as invasions en a rechión d'os pueblos eslaus, encara que por ixas envueltas yera ya una luenga muit latinizata.
Distribución L'idioma tracio se charraba en una ampla faixa de l'actual Bulgaria, l'actual Grecia a l'este de Tesalonica y en l'actual parte europea de Turquía, fueras d'as colonias griegas. Ye posible que se charrase tamién en enclaus de Serbia y Macedonya d'o Norte.
No se charraba en l'actual ribera bulgara d'o Danubio, zona on se charraba o idioma daco u cheto, tamién indoeuropeu paleobalcanico. Esto s'ha deducito en base a que os toponimos en dacos en dava ("ciudat fortificata") no se troban en l'aria tracia, que ye zona de toponimos equivalents con as radices para, diza/disos y bria (equivalent a lo celtibero briga y a lo chermanico berg).
Referencias
Tracio Tracio