O Museu Nacional d'o Prado, conoixiu popular y simplament como lo Museu d'o Prado u El Prado ye un museu situau en lo Paseo del Prado, en Madrit, Espanya, estando un d'os mas importants d'o mundo, asinas como un d'os mas visitaus (l'onceno en 2010).
Singularment rico en cuadros de mayestros europeus d'entre os sieglos XVI y XIX, o suyo prencipal atractivo ye l'amplia presencia de obras de Velázquez, El Greco, Goya (l'artista mas extensament representau en a colección), Tiziano, Rubens y O Bosco, d'el cual poseye as millors y mas extensas coleccions que existen a ran mundial, a lo que cal sumar destacaus conchuntos d'autors tan importants como Murillo, Ribera, Zurbarán, Rafael, Veronese, Tintoretto u Van Dyck, por citar solament beluns d'os mas relevants.
Por cronicas limitacions d'espacio, o museu exhibía una selección d'obras de maxima calidat (unas 900), por lo que yera definiu como «a mayor concentración d'obras mayestras por metro cuadrau». Con l'ampliación de Rafael Moneo, se preveyó que a selección exposada creixería en un 50%, con unas 450 obras mas. En chulio de 2011, muit abanzada a reorganización d'as salas, a exhibición permanent ha sumau unas 300 obras, por lo que o total exposau plega a 1.150, d'un inventario de mas de 8.600. Amás d'as pinturas, o Prado poseye arredol de 950 esculturas, 6.400 dibuixos, 2.400 gravaus, 800 obchectos d'artes decorativas, 900 monedas y 800 medallas.
600px|thumb|center|Anvista cheneral d'o Museu d'o Prado.
Bibliografía Arbeteta Mira, Letizia (2001). El Tesoro del Delfín. Catálogo razonado. Madrit: Museo Nacional del Prado, 2001. ISBN 84-8480-024-5. Blanco, Antonio; Lorente, Manuel (1981). Catálogo de la Escultura. Madrit: Patronato Nacional de Museos, 1981. ISBN 84-600-2260-9. Jiménez-Blanco, María Dolores. La Guía del Prado. Cuarta edición revisada. Museo Nacional del Prado, 2014. ISBN 978-84-8480-165-8. Puente, Joaquín de la. Museo del Prado. Casón del Buen Retiro. Catálogo de las pinturas del siglo XIX. Madrit: Museo del Prado, 1985. ISBN 84-505-2837-2.
Vinclos externos
Sitio web oficial. Visita virtual.
Prado * Categoría:Organismos autonomos d'Espanya Categoría:Arquitectura d'Espanya en o sieglo XVIII