Camaras ye un lugar despoblau de los actuals termins municipals de Loscos y Badenas, en la comarca de lo Xiloca, y en provincia de Teruel.
Toponimia En los textos medievals ye siempre Camaras, tal y quiento veyemos ya en Rationes decimarum Hispaniae (1279-80): José Rius Serra: Rationes decimarum Hispaniae (1279-80): Aragón y Navarra. CSIF 1946.
No tien necesariament una relación etimolochica con lo latín CAMERA (u l'aragonés "cambra"), y bi ha una serie de toponimos d'orichen celtico que Álvaro Galmés de Fuentes interpreta a partir de lo celtico CAMBA u COMBA ("curva", "val concava", "coma", "pueyo alomau"). Álvaro Galmés de Fuentes: Los topónimos: sus blasones y trofeos (la toponimia mítica), Madrid, Real Academia de la Historia, 2000, p. 86-87.. Toponimos teruelanos que podrían tener una relación etimolochica con Camaras son Camarón y Camariellas.
En tot caso lo río Camaras prene la suya denominación por lo suyo orichen en esta zona entre Collado de Per Esteban y Badenas.
Cheografía En l'actualidat no bi ha garra partida de termin con nombre Camaras en garra lugar de la compleganza de lo río Camaras entre Zaragoza y Teruel. Manimenos ye posible la localización de Camaras seguindo textos antigos.
La localidat de Camaras yera situada en las localidaz de Badenas y Collado de Per Esteban. La localización de Camaras se conoixe gracias a un texto de 1390 en lo que tres miembros de la familia García Chil Tarín venden Camaras a la Comunidat de Daroca:
Por atra part un texto de 1560 relativo a la Casa de Ganaders de Zaragoza y la Comunidat de Daroca permite corroborar esta localización. Ye un texto d'amollonamiento de defesas y los habitadors de cada aldeya en feban una lista. Camaras ye mencionada dos vegadas como pertenencia tanto de Collado de Per Esteban como de Badenas:
N'este texto figuran dos microtoponimos que encara existen: Peña Tajada en l'actual Collado de Per Esteban y ermita de San Bartolomé en Badenas.
Historia En lo sieglo XIV unas cuantas decenas d'aldeyas de Daroca y la suya redolada se despobloron por la pestilencia y las guerras. Este proceso debió afectar a Camaras, que ya no ye citada como aldeya en lo "Libro de la manifestación d'el morabetín de las aldeyas de la ciudat de Daroca de 1373".
Referencias
Bibliografía Mercedes Rubio: Despoblados y pardinas medievales en la Comarca del Jiloca. Xiloca: revista del Centro de Estudios del Jiloca, ISSN 0214-1175, Nº. 41, 2013 , pp 11–38.
Categoría:Lugars desapareixius de Loscos Categoría:Lugars desapareixius de Badenas Categoría:Despoblaus medievals d'a provincia de Teruel