Cabronciello (Cabroncillo en castellano) estió una aldeya de la Comunidat de Teruel situada en l'actual termin municipal de Río Deva. Ye despoblau dende fa sieglos.
Toponimia En la versión de lo "Fuero de Teruel" de 1565 transcrita por Gil de Luna en castellano y impresa en Valencia s'escribe encara Cabronciello en la suya forma aragonesa. Gil de Luna: FORI TVROLII ex typographia Ioannis Mey, 1565
Historia Lo lugar y castiello de Cabronciello apareixen en las fuents historicas a vegadas en relación con la comanda de Villel y a vegadas en relación a la Comunidat de Teruel. En 1294 lo rei Chaime II d'Aragón vedó de tot la caza mayor en los monts de Cabronciello.
En l'anyo 1306 bi habió un litichio territorial entre lo concello de Teruel y los templers y Cabronciello fue ocupau por los templers de la Comanda de Villel. Sebastián Andrés Valero: Homenaje a José María Lacarra, Volumen 3, 1986. Institución Príncipe de Viana. p 454 ISBN 8423507300, 9788423507306
En la primera mitat de lo sieglo XIV yera propiedat de los hespitalers de la Castellanía d'Amposta, los textos hespitalers se refieren a Cabronciello como una propiedat suya en lo contexto d'una invasión castellana: Francisco Castillón Cortada: Los sanjuanistas de Monzón (Huesca)1319-1351. Cuadernos de historia Jerónimo Zurita, ISSN 0044-5517, Nº. 47-48, 1983 , pachinas. 139-296
Lo 24 de chunio de 1358 lo comandador de Villel Fortún Gonçálvez d'Heredia ordenó fer reparar las fortificacions de los castiellos de Libros y Cabronciello. Joseph Delaville Le Roulx: Les Hospitaliers à Rhodes jusqu'à la mort de Philibert de Naillac (1310-1421) E. Leroux, 1913. p 137.
Cabronciello figura oficialment como aldeya de la Comunidat de Teruel por lo menos dende lo 12 d'abril de 1429, cuan lo rei Alifonso V adhibe a lo patrimonio reyal todas las aldeyas d'esta comunidat. Antonio Ubieto Arteta Historia de Aragón. Los Pueblos y los despoblados, II. Anubar ediciones 1986 pp 312.
Cabronciello se despobló a fins de la Edat Meya, y por ixo ya no figura en lo fogache de 1495. UBIETO ARTETA, Antonio: Historia de Aragón. Los pueblos y los despoblados I (Ed. Anubar. Zaragoza, 1984). Los suyos habitadors s'heban transladau a Río Deva bel tiempo antes.Miguel Ángel Ladero Quesada, Julio Valdeón Baruque: Estudios de historia medieval: homenaje a Luis Suárez. Volumen 18 de Serie Historia y Sociedad.. Universidad de Valladolid, Secretariado de Publicaciones, 1991. p 463. ISBN 8477622205, 9788477622208
En un texto de 1821 escrito en castellano nombran La Partida del Cabroncillo como part de lo termin de Río Deva, en la Comanda de Villel: Gaceta de Madrid, Volumen 1. Colaborador: España. Ministerio de la Gobernación. Editor: Imprenta Real, 1821. p 717
Puestos d'intrés Castiello de Cabronciello: no en queda que enrunas.
Referencias
Categoría:Despoblaus medievals d'a provincia de Teruel Categoría:Lugars desapareixius de Río Deva (Teruel)