Este articlo tracta sobre Mamblas, antigo barrio de Zaragoza. Pa atros usos de la parola Mamblas, veyer Mamblas (desambigación).
Mamblas estió un lugar de lo termin municipal de Zaragoza en la marguin ezquierda de lo río Galligo muito cerca d'a on este río se reculle en l'Ebro. Los termins de lo lugar de Mamblas corresponden a los territorios a on huei son Montanyana, Santa Isabel y Villamayor de Galligo.
Toponimia Mamblas ye un toponimo recurrent en la Peninsula Iberica que provién de lo latín MAMMŬLA Juan Antonio Frago Gracia: Toponimia navarroaragonesa del Ebro (IV): Orónimos ISSN 0210-5624, Vol. 30-31, 1982 , pachinas. 23-62 (MAMMA con sufixo -ula), fendo referencia a formas de lo terreno como por eixemplo a antepueyos u a sinclinals pendius. Existió la variant toponimica con l'articlo arabe aglutinau Almamblas, visible en los "Documentos de lo Pilar":
Historia En los "Documentos d'el Pilar" ya mencionan un casal dito Mamblas en tiempos chusto dimpués de la reconquiesta de Zaragoza. En 1151 lo conte Remón Berenguer IV atorgó a los habitadors de Mamblas un corral. UBIETO ARTETA, Antonio: Historia de Aragón. Los pueblos y los despoblados II (Ed. Anubar. Zaragoza, 1984) pp 838-839
En lo sieglo XIII lo casal de Mamblas se fusionó con Montanyana y Santa Isabel, fendo los tres part d'una sola entidat de poblamiento en lo forcallo de lo río Galligo con lo río Ebro. Esta entidat recibió la denominación de Mamblas Isidro Aguilera Aragón, José Luis Ona González (Coordinadors): Delimitación comarcal de Zaragoza Gobierno de Aragón. Colección Territorio, p 122, p 387 por estar lo nuclio mes gran de lo conchunto. Perteneixeba a l'Arcipestrau de Zaragoza. José Rius Serra:Rationes decimarum Hispaniae (1279-80): Aragón y Navarra. CSIF 1946.
Ye mencionau en lo "monedache de 1302" pero no en lo fogache de 1495. Manimenos escriben Mamblas en los censos oficials de 1910 y 1920 pa referir-se a l'actual barrio de Santa Isabel, que sería de entre las localidaz actuals lo continuador mes directo de l'antigo Mamblas.
Referencias
Categoría:Barrios rurals desapareixius de Zaragoza Categoría:Lugars desapareixius de Villamayor de Galligo