Iste articlo tracta sobre una empresa bierera alemana. Ta atros usos se veiga Astra.
Astra ye una empresa bierera alemana con seu en a ciudat d'Hamburgo y que opera y distribuye os suyos productos en l'aria metropolitana d'ista ciudat. En l'actualidat tien en o mercato cuantas variedaz de biera.
A marca Astra perteneixe a la empresa Holsten-Brauerei AG, que a la vegada fa parti d'o grupo Carlsberg. Dica l'anyo 2003 se produciba en a fabrica Bavaria-St.Pauli-Brauerei. Ista bierera que se trobaba entre as zonas de Landungsbrücken y Reeperbahn en Hamburgo fue mercata en 1998 por a Holsten-Brauerei, zarrando en 2003 l'antigo edificio y espaldando-lo.
Historia thumb|250px|left|Tipica botella d'Astra Urtyp Dica 1909 se a biera se comercializó con o nombre de Bavaria. 100 Jahre Bier aus Hamburgs Astra-Brauerei. Die Welt. Dende alavez se convirtió en a biera mas bebita de St. Pauli. En 1994, poquet antis de rematar o sieglo, o propietario d'a empresa vendió a marca a la bierera Brau & Brunnen AG de Dortmund.
En chinero de 1998 a ciudat d'Hamburgo mercó a Brau & Brunnen. Por ixas envueltas se quitó a campanya de marketing "Was dagegen?" (en alemán literalment "Que pasa con ixo?") mas que mas en as cletas publicitarias por toda a ciudat. Bels meses dimpués, en aviento de 1998, o gubierno d'Hamburgo vendió a empresa a Holsten, l'atra gran bierera d'a ciudat, que zarró a fabrica d'Astra en 2003. Un anyo dimpués, en 2004, Holsten fue mercata por Carlsberg.
A biera Astra se distribuye en botellas con o formato Steinieform (0,33l).
Promoción thumb|250px|"Welt-Astra-Tag" 2010 A biera Astra ye prou conoixita por as suyas campanyas promocionals. Toz os anyos se celebra en Hamburgo o Welt-Astra-Tag (en alemán "Día Mundial d'Astra").
Astra tien una estreita relación con o FC St. Pauli d'o que ye patrocinador oficial. En l'anyo 2001 l'equipo de fútbol cedió o espacio publicitario d'a suya camiseta ta a marca, aduyando asinas a promocionar-la ta mirar de salvar a suya mala situación economica. En 2003 estió a empresa a que tornó o favor a o club, quitando a campanya "Astra trinken - St. Pauli retten" www.astra-bier.de FC St. Pauli (en alemán "Beber Astra - Salvar a o St. Pauli")
Variedaz Se puede trobar una ampla variedat de bieras Astra incluyindo:
Astra Urtyp (alc. 4,9% vol.) Astra Exclusiv (alc. 4,9% vol.) Astra Pilsener (alc. 4,9% vol.) Astra Rotlicht (alc. 6,0% vol.); Rotlicht ye a exprisión alemana ta o districto royo (literalment se traduz como "luz roya"). Astra Original Hamburger Alsterwasser (alc. 2,5% vol.) (Shandy)
Vinclos externos Pachina oficial
Referencias
Categoría:Biereras d'Alemanya Categoría:Gastronomía d'Hamburgo