As locucions adverbials de manera en aragonés fan una función d'adverbio de manera y belunas son sinonimos d'adverbios concretos. Manimenos belatras tienen un significau muito mes concreto que estos adverbios.

Bi ha locucions adverbials de manera con a preposición a, con a preposición de, con a preposición en u formadas con duplicación de parolas (fito-fito). BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, pp 138-139. Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. pp 172-173 Maria Luisa Arnal Purroy: El habla de la Baja Ribagorza Occidental: Institución Fernando el Católico, 1998, p 404

Cualques locucions adverbials de manera pueden fer tamién de locución adverbial de cantidat, a muga semantica no siempre ye clara.

Por fer part d'o rechistro coloquial d'a luenga, muitas d'estas locucions aragonesas han sobreviviu a lo proceso de castellanización y belunas se fan servir encara muito en castellano d'Aragón como muestra d'o substrato lingüistico de luenga aragonés que bi ha.

Locucions adverbials de manera que encomienzan por a Son locucions con preposición a: A caball. José Antonio Saura Rami: Elementos de fonética y morfosintaxis benasquesas. Gara d'Edizions, Institución Fernando el Católico, 2003 p205 A escape. A boticiegas. A monico / a moniquet. A caramuello Lozano, Ch., Saludas, Á.L.: (2005). Aspectos morfosintácticos del belsetán. Zaragoza: Gara d'Edizions - IFC, p 137 Las fiestas de San Medardo Benabarre de Leonardo Escalona.. A clapasChabier Tomás Arias: El aragonés del Biello Sobrarbe. Instituto de Estudios Altoaragoneses (1999), pp 155-156 / a cllaps Ángel Ballarín Cornel: Diccionario del Benasqués. Institución Fernando el Católico, Zaragoza, segunda edición 1978. p 53, p 261, p 182. . A cotenas/ a colletes. A ficamorro. A galapatons / a esgalapatons. A garramanchas / a escarramanchetas / a escarramanchons / a escarramaixons. A embute. A enculicas. A entrepuzons. A escuchete. A espentons / a espientons. A esprés. A ixena Blas Gabarda, F.: Romanos Hernando, F. Diccionario aragonés. chistabín-castellano. Ainas. Gara d'edizions, 2008. p 334, p 358.. A ixués/ a ixueras. A poquet. A rastro. A redolons. A reteculas / a retaculas. A retepelo RODÉS ORQUIN, Francho E: (1997): L'aragonés de Tierra de Biescas. Rolde, nº 81 (Zaragoza, Rolde de Estudios Aragoneses, chuliol-septiembre 1997), pp 331-366. A rota batida. A rocegons. A rodoldín. A samallic samallac / a camasic camasac. A sobrefaho. A tentons / a tentón. A tornachunta. A tot estruz. En benasqués tiene una pronunciación con seseyo (/a tot estrús/). A trambanades. A trancs y a barrancs. A trocez A trucs. A ultima la fin. A unlleta. A vecinal. A voldregons. A vueltas. A l'arreu / a l'arreo. A'l drecho. A'l siesco. A la bimbola. A as cuatro suelas/ A les cuatre sueles. A les tustances. A o crío. A lo guairón. A lo torrullón / a estorrull.

A locución a escape se pronuncia ascape y se documenta muito en castellano d'Aragón. A monico y as suyas variants se documentan como part d'o substrato aragonés en o castellano d'o Baixo Aragón.

Unas cuantas locucions acaban en -óns: A galapatons, a entrepuzons, a escarramanchons, a espentons, a tentons, a rocegons, a redolons, a voldregons, etcetera. A locución adverbial francesa à tâtons significa a tentons. Jesús Cantera y Eugenio de Vicente: Gramática francesa. Editorial Cátedra, S.A., 1999. pp 198-199. As locucions adverbials acabadas en -ons se retroban en catalán, occitán y francés.

Locucions adverbials de manera que encomienzan por de Son locucions con preposición de: D'amagatons. De baldes. De bislai / De rabirón. De buen emplaz. De cabo a'l men. De culs / de culas. De firme. De malas trazas. De man a man. De morros / De grapas / De bocadients. De raso / de to(t). De reculas. De rutina. De propio. De puntetas.

As locucions de raso y de tot son un eixemplo cheosinonimos en aragonés, a primera ye aragonés occidental y a segunda ye aragonés oriental.

Locucions adverbials de manera que encomienzan por en Son locucions adverbials que encomienzan por en: En calcanyetas / En carcanyetas / En carcanyetes. En cueros. En chunto. En guinya. En manguetas/en mangas de camisa. En pagas. En peso.

Locucions adverbials de manera que encomienzan por por/per Son pocas as locucions adverbials que encomienzan con a preposición por/per: Por fuerza / Per fuerza. Por demás / per demés. Per res.

Locucions adverbials de manera que encomienzan por sin Sin remision.

Atras locucions adverbials de manera Bi ha locucions adverbials que no presentan preposición: Cutio, cutio. China-chana / chino-chano. Fito-fito / fito a fito / fit a fit. Lusco-lusco. Poquet a poquet.

Fito-fito se documenta en o castellano d'o Baixo Aragón y en o catalán d'o Matarranya como muestra d'adstrato aragonés.

Referencias

Bibliografía BARCOS, Miguel Ánchel, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007. p 64 Lozano, Ch., Saludas, Á.L.: (2005). Aspectos morfosintácticos del belsetán. Zaragoza: Gara d'Edizions - IFC. Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. Maria Luisa Arnal Purroy: El habla de la Baja Ribagorza Occidental: Institución Fernando el Católico, 1998,

Manera Categoría:Locucions de manera