Kampal ye una ferramienta informatica creyada por o Instituto Universitario de Investigación en Biocomputación y Fisica de Sistemas Complexos (BIFI) que permite chenerar mapas de diferents colectividaz d'a Universidat de Zaragoza a on que se puet visualizar a productividaz d'os investigadors suyos parando cuenta en determinaus parametros, como os articlos publicaus en revistas cientificas u os prochectos y achustes d'investigación.
L’aplicación proporciona, fendo servir información de bases de datos d’a Universidat, estudios y informes seguntes los criterios definius por l’usuario, que triga la colectividat d’o suyo intrés. Ista ferramienta de caracter ubierto ye disponible en internet y irá adhibindo-ie nuevas funcionalidaz con o tiempo.
Vinclos externos Universidat de Zaragoza [https://web.archive.org/web/20160305191024/http://www.arredol.com/kampal-una-ferramienta-ta-medir-a-investigacion-da-universidat-de-zaragoza/ Kampal, una ferramienta ta medir a investigación d’a Universidat de Zaragoza], en Arredol''.
Categoría:Universidat de Zaragoza Categoría:Institutos d'investigación d'Aragón