thumb|250px|right|Diagrama con os bodiellos debaixo d'o estomago. Texto en anglés. O bodiello, estentino u estentín ye o segmento d'o tubo dichestivo que va dende o esfincter pilorico d'o estomago dica l'ano. En a especie humana y a mes gran part d'os mamiferos consiste en dos segmentos: bodiello chicot y bodiello gordo. En os humans o bodiello chicot se subdivide en duodeno, chechún y ílion, mientres que o bodiello gordo se subdivide en ciego, colon y recto u bodiello cular.
Denominacions Estos organos en conchunto u individualment se gosan nombrar en plural ("os bodiellos", "os estentin(o)s"). A palabra estentino ya se documenta en a traducción de "Secreto Secretorum" acomandada por Chuan Ferrández d'Heredia:
Y tamién en a "Cronica de los Conquiridors":
En aragonés occidental no se fa servir guaire a palabra bodiello por o menos actualment y fan servir variants d'a palabra estentino. En as zonas d'a metat oriental de l'Alto Aragón a on se conserva a palabra bodiello a chent considera que ye una palabra d'un rechistro mes baixo que estentino, y fan servir estentín Antoni Maria Badia i Margarit: El habla del valle de Bielsa. Instituto de Estudios Pirenaicos, 1950 p 272 u estentino Chabier Tomás Arias: El aragonés del Biello Sobrarbe. Instituto de Estudios Altoaragoneses (1999). quan quieren fer puyar o livel d'o suyo rechistro. Chabier Tomás Arias considera que estentin(o) ye un vulgarismo.
A variant budiello se conserva en puestos tan a lo sud-ueste como Santolaria de Galligo Fernando Romanos Hernando: Al límite. La pervivencia del aragonés en las comarcas del norte de Zaragoza. Diputación de Zaragoza, 2003, p 152, (Fernando Romanos la replega con o significau de "bodiello chiquet"). L'ALEANR rechistra variants de bodiello como budel tan a lo sud como o centro d'a provincia de Teruel.
A palabra bodiello (d'o latín < BOTELLU Ana Leiva Vicén:Léxico aragonés de Antillón (Huesca). Análisis lingüístico (I). Alazet: Revista de Filología Nº 15, 2003, pp. 65-151, ISSN 0214-7602) se pronuncia bodillo en muitos puestos, pero d'alcuerdo con a grafía de l'Academia de l'Aragonés s'ha d'escribir bodiello Academia de l'Aragonés Propuesta ortografica de l'Academia de l'Aragonés. EDACAR, 7. Zaragoza, 2010. como totas as palabras aragonesas con sufixo -iello.
Referencias
Categoría:Aparato dichestivo