Pepe Carvalho ye un personache ficticio creyato por Manuel Vázquez Montalbán y protagonista d'una serie de novelas, relatos curtos, una serie de televisión y cuatre cintas de cine.
Carvalho ye un detective privato una miqueta rarizo d'orichen gallego que vive en Barcelona anque muitas d'as novelas transcurren en atros puesto y as suyas aventuras e investigacions son utilizatas por o suyo autor ta fer una uellada, a la sociedat de zaguerias d'o sieglo XX.
Dende l'anyo 2006 l'Ayuntamiento de Barcelona fa entrega d'un premio dito Premio Pepe Carvalho ta os escritors de cualsiquier nacionalidat con una grandiza y reconoixita trachectoria en o chenero d'a novela negra o policiaca.
Filmografía Cuatre d'as suyas aventuras estioron adaptatas ta cintas de cine:
1976: Tatuaje, de Bigas Luna, protagonizata por Carlos Ballesteros y estrenada en o cine en 1979. 1983: Asesinato en el Comité Central, de Vicente Aranda, y protagonizata por Patxi Andión. 1990: El laberinto griego, de Rafael Alcázar y protagonizata por Omero Antonutti. 1991: Los mares del Sur, de Manuel Esteban, y protagonizata por Juan Luis Galiardo.
Vinclos externos Ruta de Pepe Carvalho por Barcelona.
Categoría:Personaches ficticios de novela Categoría:Personaches ficticios de cine Categoría:Personaches ficticios de televisión