thumb|300px|Cursa de Formula 1. Una competición d'un chuego ye a practica que tiene como resultau una clasificación d'os participants, ganadors y bella mena de reconoixencia ta os millors, tal como un trofeu, premio economico u títol, en función d'o complimiento de l'obchectivo d'o chuego. Una competición se distingue d'o chuego practicau con una simpla finalidat recreyativa, a on no se determina garra obchectivo ni honor. Las competicions organizadas van dende l'alta competición profesional dica as competicions semiprofesionals, universitarias y escolars.
Cualques competicions requieren un numero elevau de trobadas u prebas, que se desembolican de traza contina entre toda una temporada (por un regular entre un anyo u semestre). En atros casos s'obtiene un ganador con o menor numero d'enfrontinamientos ta poder-lo desarrollar en un tiempo reduciu, u bien intercalaus con a competición regular prencipal a lo largo de toda a temporada. Una competición en solitario ye ixa en a cual un solo participant ha d'aconseguir bel obchectivo, sin a presencia de rivals.
Tipicament, as competicions las protagonizan personas. Cualques competicions, manimenos, exichen a utilización de vehíclos u animals, mientres que atras las realizan robots. Orichinalment, as competicions se fan dentro d'un espacio fisico. A partir d'o naiximiento d'os videochuegos, se pueden desarrollar competicions en espacios virtuals, por o cual pueden competir entre éls personas y sers artificials.
Diferents organizacions fan competicions oficials, estando os eixemplos mas representatius as competicions esportivas como as que organiza a Federación Internacional de Fútbol Asociación (FIFA), como a Copa Mundial de Futbol en a cual participan equipos nacionals de toda a planeta.
Referencias
Vinclos externos
Categoría:Chuegos Categoría:Competicions