Adam Frank (naixiu l'1 d'agosto de 1962 de Belleville, Nueva Jersey) ye un fisico, astronomo y escritor estausunidense. O suyo campo d'investigación se centra prencipalment en a astrofisica computacional, metendo ficacio en a formación d'as estrelas y as zagueras etapas d'a evolución estelar. As suyas obras de divulgación se centran en temas cientificos dende un punto d'anvista cultural como a ciencia y a relichión u o papel d'a tecnolochía en a experiencia d'o ser humán con o tiempo. Ye co-fundador d'o blog 13.7 Cosmos and Culture d'a Radio Publica Nacional (NPR) 13.7: Cosmos And Culture
Biografía Frank naixió de Belleville, Nueva Jersey l'1 d'agosto de 1962. Estudió en a Universidat de Colorado fendo a tesis doctoral en a Universidat de Washington. Estió titular d'un puesto post-doctoral en a Universidat de Leiden en os Países Baixos y en a Universidat de Minnesota. En 1995 Frank recibió a beca Hubble y en 1996 prencipió a treballar en a Universidat de Rochester, en Rochester, Nueva York, a on ye actualment profesor d'astrofisica.
As investigacions de Frank se centran en a dinamica de fluidos astrofisica. O suyo grupo d'investigación ye desenvolicando o codigo AstroBEAR (Adaptive Mesh Refinement) que se fa servir en a simulación de fluxos en a dinamica de fluidos magneticos en contextos astrofisicos. Simulating Magnetohydrodynamical Flow with Constrained Transport and Adaptive Mesh Refinement: Algorithms and Tests of the AstroBEAR Code Entre os prochectos en que s'emplega l'AstroBEAR incluindo o estudio de surtidors en protoestrelas asinas como a evolución de nebulosas planetarias en rematar a vida d'una estrela de tipo solar.
Publicacions populars O primer libro publicau por Frank estió The Constant Fire. Beyond the Science vs. Religion Debate. Publicau en 2009 miraba de definir diferents perspectivas en a discusión entre ciencia y relichión. O segundo libro de Frank, publicau en agüerro de 2011, estió About Time: Cosmology and Culture at the Twilight of the Big Bang que explora a relación entre o cambio d'ideyas en a cosmolochía y a ideya cultural d'o tiempo. En 2010 Frank estió co-fundador d'o blog "13.7 Cosmos and Culture" d'a Radio Nacional Publica chunto a Marcelo Glaser. Amás Frank tamién ha escrito articlos ta reconoixidas publicacions como a revista DISCOVER. DISCOVER MAGAZINE 3 Theories That Might Blow Up The Big Bang.
Bibliografía The Constant Fire. Beyond the Science vs Religion Debate, University of California Press (10 de chinero de 2009), "The End of the Beginning. Cosmology Culture and Time at the Twilight of the Big Bang, (27 de setiembre de 2010),
Referencias
Vinclos externos Departamento de Fisica y Astronomía d'a Universidat de Rochester AstroBEAR AMR Code Homepage NPR blog Introduction Page
Categoría:Astronomos d'Estaus Unius Categoría:Escritors d'Estaus Unius Categoría:Escritors en anglés Categoría:Fisicos d'Estaus Unius Categoría:Naixius de Nueva Jersey Categoría:1962 (naixencias)