O districto de Rosenheim (en alemán Landkreis Rosenheim, en bavaro Landkroas Rousnam) ye un districto situato en o sud-este de Bavera, Alemanya. Os districtos vecins son en orden d'as agullas d'o reloch prencipiando por l'ueste, Miesbach, Munich, Ebersberg, Mühldorf y Traunstein. Tamién muga por o sud con o estau austriaco d'o Tirol.
O districto rodia a ciudat de Rosenheim, que s'administra independientment, pero que tamién ye a seu de l'administración d'o districto. Os dos, ciudat y districto tienen o codigo "RO" en as matriclas d'os suyos autos, encara que tamién ye posible tamién trigar un d'os antigos codigos "AIB" (Bad Aibling) u "WS" (Wasserburg am Inn).
Historia L'actual districto se creyó en 1972 cuan s'unioron os antigos districtos de Rosenheim, Bad Aibling y parti de Wasserburg am Inn.
Cheografía O districto de Rosenheim se troba en o semontano d'os Alpes, en a rechión de Chiemgau. O paisache ye dominau por as morrenas creyadas por o glaciar de l'Inn en a zaguera edat glacial, incluyindo prous lacos. A l'este d'o districto se troba o mayor d'istos lacos d'orichen glacial, o Chiemsee. Os prencipals ríos que trescruzan o districto son l'Inn y o Mangfall, que se chuntan en a ciudat de Rosenheim.
Entre as cadenas montanyosas que se troban en o sud son os Chiemgauer Alpen y o Mangfallgebirge, a on ye o Wendelstein, que con 1838 m d'altaria ye a tuca mas alta d'o districto.
Escudo O escudo incluye as armas de Bavera en a suya parti superior. As dos fuellas cruzadas de Nymphaea alba en a ezquierda simbolizan o escudo de Frauenchiemsee, isla d'o Chiemsee en a que se troba un monesterio benedictino, y o lión royo que representa a ciudat de Wasserburg. O escudo se fació oficial en 1976.
Ciudaz y municipios CiudazMunicipios Bad Aibling Kolbermoor Wasserburg am Inn Verwaltungsgemeinschaften Breitbrunn am Chiemsee Halfing Pfaffing Rott am Inn Markt Bad Endorf Bruckmühl Neubeuern Prien am ChiemseeAlbaching Amerang Aschau im Chiemgau Babensham Bad Feilnbach Bernau am Chiemsee Brannenburg Breitbrunn am Chiemsee Chiemsee Edling Eggstätt Eiselfing Feldkirchen-Westerham Flintsbach Frasdorf Griesstätt Großkarolinenfeld Gstadt am Chiemsee Halfing Höslwang<li> Kiefersfelden <li> Nußdorf am Inn <li> Oberaudorf <li> Pfaffing <li> Prutting <li> Ramerberg <li> Raubling <li> Riedering <li> Rimsting <li> Rohrdorf <li> Rott am Inn <li> Samerberg <li> Schechen <li> Schonstett <li> Söchtenau <li> Soyen <li> Stephanskirchen <li> Tuntenhausen <li> Vogtareuth
Vinclos externos
Pachina oficial
Rosenheim