Rosenheim (en austro-bavaro Rousnam) ye una ciudat independient situada en o centro d'o districto de Rosenheim (Alta Bavera), estando amás capital d'iste districto. Se troba en a marguin occidental d'o río Inn en o forcallo entre os ríos Inn y Mangfall, en o Semontano alpín bavaro. Ye a tercera ciudat mas gran de l'Alta Bavera con 61.000 habitants y un d'os 23 centros administrativos de Bavera. Rosenheim ye amás o centro economico d'a suya redolada.
Cheografía A población d'a ciudat ye de alto u baixo 60.000 habitants, con atros 125.000 en a suya redolada. Rosenheim se troba situada en o Semontano alpín de l'Alta Bavera, a una altaria de 450 m sobre o livel d'a mar y cubre un aria de 37,52 km². A capital de Bavera, Múnich, se troba a una distancia de 52 kmen dirección nord-ueste. A gara de Rosenheim ye un nyudo de comunicacions entre a linia Múnich–Rosenheim, a linia Rosenheim–Salzburg y a linia Múnich–Innsbruck.
O paisache arredol de Rosenheim se formó mientres a zaguera edat de chelo debiu a o glaciar d'a val de l'Inn y mas tardi por o lago de Rosenheim. O lago existió dica fa 10.000 anyos y cubriba toda a val de l'Inn dica Wasserburg am Inn, cuasi a 25 km a o norte de Rosenheim.
Escudo En o escudo d'armas d'a ciudat de Rosenheim apareixe una rosa blanca sobre fundo royo. As armas actuals podrían fer referencia a las antigas de Wasserburg am Inn, ya que Rosenheim perteneixió a Wasserburg dica 1247. O escudo mas antigo conoixiu d'a ciudat de Rosenheim data de l'anyo 1374 y ya incluyiba a rosa, que permaneixe dende alavez. L'unico cambio que se puet trobar en o escudo ye en un cuadro de Philipp Apian de l'anyo 1568, en que se veye un borde arredol d'a rosa. Wappenverzeichnis Rosenheim
Tamién existe un logo oficial d'a ciudat de Rosenheim, que contiene a mesma rosa que se troba en o escudo d'armas.
Ciudaz achirmanadas Rosenheim ye achirmanada con: Lazise (Italia), dende 1974 Brianzo (Francia), dende 1979 Greiz (Turinchia), dende 1991 Ichikawa (Chapón), dende 2004 Beersheba (Israel), dende 1983 Rosenheim tien relacions d'amistaz con: Kufstein (Austria)
Referencias
Vinclos externos Pachina oficial Fachhochschule Rosenheim
Categoría:Localidaz de Bavera