Os Alpes de Chiemgau (en bavaro Chiemgaua Oipn, en alemán Chiemgauer Alpen) son una cordelera situata en os Alpes bavaros y que perteneixe alavez a os Alpes orientals. A mayor parti ye situada en Bavera, Alemanya y nomás chicotas seccions trescruzan a muga, fendo parti d'os estaus austriacos de Salzburgo y Tirol. A tuca mas altera ye o Sonntagshorn (1961 m), pico que se troba en a muga entre Alemanya y Austria.
Cheografía Os Alpes de Chiemgau van dende o río Inn a l'ueste dica o Salzach a l'este y cubren una distancia de 60 km en linia recta; estando a suya maxima amplaria en a dirección Norte-Sud con alto u baixo 25–30 km.
Son rodiaus por as siguients cordeleras: Prealpes bavaros por l'ueste. Kaisergebirge por o sud-ueste. Macizo de Leogang por o sud. Macizo de Lofer por o sud-este. Alpes de Berchtesgaden por o sud-este y este. A cara norte por un regular baixa a escape dica os semontanos suabio y bavaro.
Mayors tucas Sonntagshorn 1961 m Steinplatte 1869 m Geigelstein 1813 m Zwiesel 1781 m Dürrnbachhorn 1776 m Hochstaufen 1771 m Fellhorn/Österreich 1764 m Hochgern 1744 m Picos ta escalada en roca: Hörndlwand 1684 m Kampenwand 1664 m
*