The Lord of the Rings: The Two Towers (en aragonés O Sinyor d'os Aniellos - As Dos Torres), ye una cinta de cine de drama estausunidense de l'anyo 2002, dirichita por Peter Jackson seguntes un guión d'él mismo, Fran Walsh y Philippa Boyens (basato en O Sinyor d'os Aniellos de J.R.R. Tolkien) con una banda sonora orichinal de Howard Shore, una dirección de fotografía de Andrew Lesnie y un producción de Peter Jackson, Barrie M. Osborne y Fran Walsh ta New Line Cinema, con una durada de 172 minutos, que estió un important exito cinematografico. Entre atros actors, partecipan en a cinta Elijah Wood, Ian McKellen, Viggo Mortensen, Liv Tyler, Sean Astin, Christopher Lee, Bernard Hill y Andy Serkis; a cinta recibió dos premios.
Ye continación de The Lord of the Rings: The Fellowship of the Ring y tien continación en a cinta The Lord of the Rings: The Return of the King.
Reparto Elijah Wood en o papel de Frodo Baggins. Ian McKellen en o papel de Gandalf. Viggo Mortensen en o papel de Aragorn. Liv Tyler en o papel de Arwen. Sean Astin en o papel de Samvise Gamgee. Christopher Lee en o papel de Saruman. Bernard Hill en o papel de Théoden. Andy Serkis en o papel de Gollum. Orlando Bloom en o papel de Legolas. John Rhys-Davies en o papel de Gimli. Billy Boyd en o papel de Peregrino Tuc. Dominic Monaghan en o papel de Meriadoc Brandibuck. Miranda Otto en o papel de Éowyn. David Wenham en o papel de Faramir. Brad Dourif en o papel de Gríma Wormtongue. Karl Urban en o papel de Éomer. Hugo Weaving en o papel de Elrond. Cate Blanchett en o papel de Galadriel. Sean Bean en o papel de Boromir. Sala Baker en o papel de Sauron.
Argumento Dimpués d'internar-se en Emyn Muil, Frodo Baggins y Sam Gamyi se troban con a creatura Gollum, que fa un poder pa sacar-les l'Aniello per a fuerza pero, en veyer-se venciu, promete a los hobbits guiar-los dica Mordor. Dimpués de quitar-los d'Emyn Muil y travesar a Paúl d'os Muertos, plegan a Morannon, a Puerta Negra de Mordor. Manimenos, a gran protección que tien les imposibilita dentrar per astí y Gollum les proposa prener o camín secreto de Cirith Ungol. Mientres o viache, se troban con una tropa abanzada de montesins de Gondor enfilada per Faramir, fillo d'o senescal de Gondor y chirmán de Boromir, qui os prene como presoners y descubre que portian l'Aniello Unico. Faramir conta a los hobbits que Boromir ha muerto y que estió trobau en una barca elfica. Isto fa pensar a Frodo, pus creyeba que Boromir nomás quereba l'Aniello, y per o suyo chirmán descubre que murió protechendo a la Companyía, tal y como heban churau toz os suyos miembros en salir de Rivendell. Faramir decidió levar-los debant d'o suyo pai, pero, a lo suyo paso per l'esmolinada ciudat d'Osgiliath, os soldaus gondorians se troban combatindo a las fuerzas de Sauron conducidas per cualques Nazgûl. En dar-se conta d'o maligno poder de l'Aniello que portia Frodo, a qui cuasi captura uno d'os Nazgûl, Faramir decide liberar-los pa que completen a suya misión.
Entremistanto, os uruk-hai que levan presoners a Merry y Pippin son acotolaus per os chinets de Rohan exiliaus y os hobbits aconsiguen fuyir d'a batalla, internando-se en a selva de Fangorn. Aragorn, Legolas y Gimli, que heban iu dimpués d'éls, se troban con as restas d'a batalla y siguen as pisadas d'os suyos amigos dica l'interior d'a selva. En ella se retroban con Gandalf, a qui creyeban muerto dimpués d'a suya caita per o puent de Moria, y una vegada les informa de que ha deixau a Merry y Pippin en buenas mans, s'endrezan chuntos enta Edoras, capital de Rohan, pa charrar con o rei Théoden. Manimenos, iste se troba enchizau per Saruman gracias a l'aduya d'o consellero d'o rei, Gríma, que treballa en secreto pa lo mago. Baixo lo suyo influixo, desterró a lo suyo sobrino Éomer dimpués d'a muerte de Théodred, o suyo fillo y hereu a lo trono. Gandalf aconsigue liberar-le y Théoden decide refuchiar a lo suyo pueblo en a fortaleza d'a Foz d'Helm con a finalidat de no ir por as pinganetas a un conflicto ubierto con Isengard en Edoras.
Saruman ninvia a un exercito chigant d'uruk-hai pa destruyir a Foz d'Helm, mientres Gandalf va en busca d'os rohirrim exiliaus pa a batalla. L'elfo Haldir, d'a selva de Lothlórien, acude con un chiquet exercito de galadhrim en aduya de Rohan y chuntos aconsiguen resistir dica a plegada de Gandalf, Éomer y numbrosos rohirrim, que redotan a los uruks.
Entremistanto, Pippin y Merry, que heban estau confiaus per Gandalf a l'ent Fangorn, acuden de conchunta con él a un concilio entre cuantos miembros d'a suya raza an decidiran qué fer respective a la guerra. Dimpués de largo tiempo dialogando, deciden que no ye afer suyo. Manimenos, cuan Fangorn leva a los hobbits difuera d'a selva, descubre que Saruman ha picau muitos arbols y con o suyo chilo atraye de nuevo a toz os ents, que marchan enta Isengard y a destruyen.
Dimpués d'istas victorias, Gandalf y a resta creyen que ha plegau la hora de librar a batalla zaguera, que se decidirá en Gondor y an toz chugarán as suyoas zagueras cartas per o futuro d'a Tierra Meya.
Premios Premios Oscar Premio Persona Premiato: Millor Edición de Sonito Ethan Van der RynMike Hopkins Millors Efectos Visuals Jim RygielJoe LetteriRandall William CookAlex Funke Nominato: Millor Cinta Peter JacksonBarrie M. OsborneFran Walsh Disenyo de producción Grant majorDan HennahAlan LeeJohn Howe Millor Montache Michael Morton Millor Sonito Christopher BoyesMichael SemanickHammond PeekMichael Semanick
Se veiga tamién Cine en 2002. Cintas de 2002.
Vinclos externos The Lord of the Rings: The Two Towers en IMDb.
Categoría:Cintas con banda sonora orichinal de Howard Shore Categoría:Cintas con dirección de fotografía d'Andrew Lesnie Categoría:Cintas con guión de Fran Walsh Categoría:Cintas con guión de Peter Jackson Categoría:Cintas con guión de Philippa Boyens Categoría:Cintas con montache de Jabez Olssen Categoría:Cintas con montache de Michael J. Horton Categoría:Cintas d'Estaus Unius Categoría:Cintas de cine de fantasía Categoría:Cintas dirichidas por Peter Jackson Categoría:Cintas en anglés Categoría:Cintas interpretadas por Andy Serkis Categoría:Cintas interpretadas por Brad Dourif Categoría:Cintas interpretadas por Cate Blanchett Categoría:Cintas interpretadas por Christopher Lee Categoría:Cintas interpretadas por Elijah Wood Categoría:Cintas interpretadas por Hugo Weaving Categoría:Cintas interpretadas por Ian McKellen Categoría:Cintas interpretadas por John Rys-Davies Categoría:Cintas interpretadas por Liv Tyler Categoría:Cintas interpretadas por Miranda Otto Categoría:Cintas interpretadas por Orlando Bloom Categoría:Cintas interpretadas por Sean Astin Categoría:Cintas interpretadas por Sean Bean Categoría:Cintas interpretadas por Viggo Mortensen Categoría:Cintas producidas por Barrie M. Osborne Categoría:Cintas producidas por Fran Walsh Categoría:Cintas producidas por Peter Jackson